جاپونيادا جوعالىپ كەتكەن ۋگاندالىق 20 جاستاعى اۋىر اتلەت تابىلدى, دەپ حابارلادى توكيودان Egemen.kz ءتىلشىسى.
Kyodo اگەنتتىگىنىڭ حابارلاۋىنشا, دجۋليۋسا سەكيتولەكو وليمپيادادا سىنعا ءتۇسۋ ءۇشىن توكيوعا كەلگەن بەتتە قاشىپ كەتكەن. الايدا بىرنەشە كۇننەن كەيىن 20 جاستاعى ۋگاندالىق اۋىر اتلەت ميە پرەفەكتۋراسىنان تابىلعان.
بۇعان دەيىن حابارلانعانداي, جاپونيادا ءوز كومانداسىنىڭ ورنالاسۋىنان كەيىن-اق جوعالىپ كەتكەن سەكيتولەكو ۋگانداعا ورالعىسى كەلمەيتىندىگى تۋرالى جازبا قالدىرعان. ويتكەنى ول وندا ءومىر ءسۇرۋ قيىن جانە دەلەگاتسيا مۇشەلەرىنەن زاتتارىن وتانىندا قالعان ايەلىنە تاپسىرۋىن وتىنگەن.