شىعىس قازاقستان وبلىسىندا بەلگىلەنبەگەن جەردە شومىلعان ءۇش ادام سۋعا باتتى, دەپ حابارلايدى Egemen.kz وبلىستىق تجد ءباسپاسوز قىزمەتىنە سىلتەمە جاساپ.
شىعىس قازاقستان وبلىسىنىڭ شومىلۋ ماۋسىمىنىڭ قايعىلى ستاتيستيكاسى جاڭا اپاتتارمەن تولىقتى.وقىس وقيعالار شومىلۋعا رۇقسات بەرىلمەگەن جانە قۇتقارۋشىلار كەزەكشىلىك ەتپەيتىن جاعاجايلاردا ورىن الدى.
17 شىلدە كۇنى بۇقتىرما سۋ قويماسىنىڭ قىزىل تۋ وتكەلى اۋدانىندا 1981 جىلى تۋعان ەر ادام سۋعا باتىپ كەتتى.
18 شىلدە كۇنى التاي اۋدانىندا, بۇقتىرما سۋ قويماسىنىڭ جابايى جاعاجايىندا 17 جاستاعى جىگىت سۋعا باتتى. قازىرگى ۋاقىتتا جەدەل-قۇتقارۋ جاساعىنىڭ قىزمەتكەرلەرى سۋعا باتىپ كەتكەن ادامدى ىزدەستىرۋدە. ىزدەۋ جۇمىستارىن سۋداعى شوپتەردىڭ كوپ بولۋى قيىنداتۋدا.
19 شىلدەدە تومەنگى تايىنتى اۋىلىندا 2006 جىلى تۋعان ءجاسوسپىرىم جابدىقتالماعان جەردە سۋعا باتىپ كەتتى.
توتەنشە جاعدايلار دەپارتامەنتى وبلىس تۇرعىندارى مەن قوناقتارىنا ەسكەرتەدى:
- دەمالىستا وزىڭىزگە جانە جاقىندارىڭىزعا وتە مۇقيات بولىڭىز جانە سۋدا ءجۇرۋ ەرەجەلەرىن ساقتاڭىز;
- جابدىقتالماعان جەرلەردە شومىلماڭىز;
- بالالاردى قاراۋسىز قالدىرماڭىز;
- ماس كۇيىندە شومىلماڭىز;
- بەلگىسىز جەردە سۋعا سەكىرۋ نەمەسە سۇڭگۋ قاۋىپتى;
- سۋدا دورەكى ويىندارعا جول بەرمەڭىز;
- شومىلۋ كەزىندە شوشىتۋعا, كومەك تۋرالى جالعان سيگنال بەرۋگە جانە ت. ب. بولمايدى;
- اۋا توسەنىشتەرىندە جانە ۇرلەنەتىن ويىنشىقتاردا وتە مۇقيات ءجۇزىڭىز. ولاردى جەل نەمەسە اعىس جاعادان الىس الىپ, تولقىنمەن باسىپ كەتۋى مۇمكىن;
- جالعىز جانە قاراڭعى ۋاقىتتا شومىلماڭىز.
توتەنشە جاعداي تۋىنداعان كەزدە «112»نومىرىنە قوڭىراۋ شالىڭىز.