بۇگىن قۇربان ايت مەيرامىنا وراي ەلوردا اكىمدىگى قالاداعى مۇقتاج وتباسىلارعا ەت تاراتتى, دەپ حابارلايدى Egemen.kz Elorda.info سايتىنا سىلتەمە جاساپ.
ەلوردا اكىمدىگىنە قاراستى «استانا جاستارى» رەسۋرستىق ورتالىعىنىڭ ءبىر توپ ۆولونتەرلەرى جۇك كولىكتەرىنە تيەلگەن ەتتى ءار اۋدانعا ءبولىپ, جۇمىلا جۇمىس ىستەدى.
ء«ار اۋدانداعى كومەككە مۇقتاج 100 وتباسىنىڭ ءتىزىمىن الدىق. ونى بىزگە اۋدان اكىمدىكتەرى, مەشىتتەر, سونداي-اق جۇمىسپەن قامتۋ باسقارماسى ۇسىنعان بولاتىن. ۆولونتەرلەرىمىز كومەك قولىن سوزىپ, وسىناۋ يگى ىسكە ءوز ۇلەسىن قوسۋعا تىرىسۋدا. مۇندا قازىر 50 شاقتى اۆتوۆولونتەر مەن 30-دان اسا جاياۋ ۆولونتەر قاتىسىپ جاتىر. ارقايسىسى وزدەرىنە جۇكتەلگەن مەكەنجايلار بويىنشا قۇربان شالىنعان ەتتى ۇيلەرگە تاراتىپ شىعادى», دەيدى «استانا جاستارى» جاستار رەسۋرستىق ورتالىعى باسشىسىنىڭ ورىنباسارى ايان ەرمەنتاەۆ.