ۋكراينا پرەزيدەنتى ۆلاديمير زەلەنسكي جۇمىس ساپارىمەن گرۋزيانىڭ باتۋمي قالاسىنا كەلدى, دەپ حابارلايدى Egemen.kz انادولى اگەنتتىگى تاراقتان اقپاراتقا سىلتەمە جاساپ.
باتۋمي حالىقارالىق اۋەجايىندا زەلەنسكيدى گرۋزيا سىرتقى ىستەر ءمينيسترىنىڭ ورىنباسارى لاشا دارساليا مەن ادجاريا پرەمەر-ءمينيسترى تورنيكە ريجۆادزە قارسى الدى.
زەلەنسكيدى باستى ماقساتى – ۋكراينا, گرۋزيا جانە مولدوۆانىڭ «ۇشتىك قاۋىمداستىعى» فورماتىنداعى ءىس-شارالار مەن مەملەكەت باسشىلارى دەڭگەيىندە وتەتىن حالىقارالىق كونفەرەنتسياعا قاتىسۋ. ءۇش ەلدىڭ كوشباسشىلارى ءسامميتتىڭ بىرلەسكەن دەكلاراتسياسىنا قول قويادى.
فورۋم اياسىندا زەلەنسكي گرۋزيا مەن مولدوۆاداعى ارىپتەستەرى - سالومە زۋرابيشۆيلي جانە مايا ساندۋمەن, سونداي-اق ەۋروپالىق كەڭەستىڭ پرەزيدەنتى شارل ميشەلمەن كەلىسسوزدەر جۇرگىزەدى.