ۋگاندانىڭ 20 جاستاعى اۋىراتلەتى يۋليۋس سسەكيتولەكو حات قالدىرىپ, جوعالىپ كەتكەن, دەپ حابارلايدى Egemen.kz.
بۇل تۋرالى Kyodo News اگەنتتىگى مالىمدەدى.
ۋگاندا دەلەگاتسياسى 19 شىلدەدە جاپونياداعى وليمپيادا ويىندارىنا قاتىسۋعا كەلگەن, قۇرامىندا توعىز ادام بولعان, الايدا ەكى قاتىسۋشىنىڭ پتر-تەستى وڭ ناتيجە كورسەتكەن. يۋليۋس سسەكيتولەكو جاتتىقتىرۋشىسىمەن 20 شىلدەدە ەلىنە ورالۋى كەرەك بولعان.
16 شىلدەدە سپورتشى كوروناۆيرۋسقا جوسپارلى سىناما الۋ كەزىندە ۇلتتىق قۇرامانىڭ لاگەرىندە جوق بولىپ شىققان. ونىڭ بولمەسىنەن حات تابىلعان. حاتتا سسەكيتولەكو جاپونيادا جۇمىس ىستەگىسى كەلەتىنىن, ۋگانداعا ورالعىسى كەلمەيتىنىن جازعان. سپورتشى دەلەگاتسيا مۇشەلەرىنەن زاتتارىن بەرىپ جىبەرۋدى سۇراعان.
تەرگەۋ كەزىندە يزۋميسانو قالاسىندا تۇراتىن سپورتشى قوناقۇيدەن شامامەن 200 شاقىرىم جەردەگى ناگويگە دەيىن بيلەت الىپ كەتىپ قالعانى انىقتالعان. جاپونيا بيلىگىنىڭ مالىمەتىنشە, بۇل جەردە وتكەن جىلدىڭ قورىتىندىسى بويىنشا, شامامەن 150 ۋگاندالىق تۇرادى.
ۋگاندا دەلەگاتسياسىنىڭ باسشىلىعى سپورتشىنى ىزدەۋ جۇمىستارى بويىنشا جەرگىلىكتى بيلىكپەن جۇمىس ىستەپ جاتىر. سپورشى ءبىر رەت ۋگاندالىق شەنەۋنىكتىڭ قوڭىراۋىنا جاۋاپ بەرگەنى بەلگىلى بولدى.