زارينا دياس تا توكيوعا بارادى

زارينا دياسقا وسىنداي قۇرمەت تەگىن كورسەتىلىپ وتىر­ماعانى انىق. 27 جاستاعى جەر­لەسىمىز الماتىدا تۋعانىمەن, بالاۋسا كەزىنەن شەبەرلىگىن چە­حيادا شىڭدادى. 1999 جىلى ونىڭ اكە-شەشەسى قىزمەت بابىمەن اتالعان مەملەكەتتە ەڭ­بەك ەتتى. سول جاقتاعى جەر­گى­لىكتى اكادەميالاردىڭ بى­رىندە تەننيستىڭ قىر-سىرىنا قانىقتى. ۋاقىت وزا دياس دارا تالانتىمەن وقشاۋلانىپ, ءوز قاتارىنىڭ الدى بولدى. حا­لىقارالىق ارەنادا ەلەۋلى تابىستارعا جەتە باستاعان شا­عىندا قازاقستاننىڭ ۇلتتىق قۇراماسىنا شاقىرتۋ الدى. جىلدان جىلعا ناتيجەسى جاق­­سارا تۇسكەن زارينا 2015 جىلدىڭ باسىندا الەم­دىك رەيتينتە 31-ورىنعا كوتە­رىلدى. بۇل ونىڭ سپورتتىق كارەرا­سىن­داعى ەڭ ۇزدىك كورسەتكىش.

2014 جىلدان بەرى دياس «ۇلكەن دۋلىعا» ساناتىنداعى تۋرنيرلەرگە ۇزدىكسىز قاتىسىپ كەلەدى. ازىرگە ونىڭ ەڭ ۇزدىك ناتيجەسى – 2014 جانە 2015 جىل­­دارى قاتارىنان ەكى مارتە «ۋيمبلدوننىڭ» ءتورتىنشى كە­زەڭىنە دەيىن جەتۋى. ودان بو­لەك, زارينا بىرنەشە رەت اۋس­تراليا مەن اقش-تىڭ اشىق بىرىنشىلىكتەرىنىڭ ءۇشىن­شى اينالىمىندا ونەر كورسەتتى. ال جۇپتىق سايىستا وتانداسىمىز نيۋ-يوركتەگى ءتۋرنيردىڭ شيرەك فينالىندا كۇش سىناستى. ول WTA جارىسىندا ءبىر مارتە جەڭىمپاز اتانىپ, ITF دوداسىندا 8 رەت دارا شىقتى.

ءبىراز ۋاقىتتان بەرى اي­شىق­تى ويىن ورنەگىمەن كوز­گە ءتۇسىپ جۇرگەن زارينا دياس كەزىندە چەحيالىق پەترا كۆي­توۆا, ارگەنتينالىق حيسەلا دۋلكو, سەربيالىق ەلەنا يان­كوۆيچ, شۆەيتساريالىق بە­ليندا بەنچيچ, رەسەيلىك ۆەرا زۆونارەۆا مەن سۆەتلانا كۋز­نەتسوۆا, يسپانيالىق كار­لا سۋارەس-ناۆاررو جانە تا­عى باسقا الەمگە ايگىلى تەن­نيسشىلەرگە تىزە بۇكتىرگەنىن جان­كۇيەرلەر جاقسى بىلەدى. ال بيىل جەرلەسىمىز مايا­مي­دەگى تۋرنيردە اقش-تىڭ اتى اڭىز­عا اينالعان ويىن­شىسى, «ۇلكەن دۋىلعا» ساناتىن­داعى جارىستاردىڭ 23 دۇركىن (7 رەت جەكەلەگەن+14 رەت جۇپ­تىق+2 رەت ارالاس جۇپتار سا­يىسى) جەڭىمپازى ۆينۋس ۋيليامستان ايلاسىن اسىرىپ, ورەلى ونەرىمەن سان ميلليون كورەرمەندى تامساندىر­دى. قازىرگى كەزدە دياس WTA تى­­زىمىندە 101-ورىندى يەلەنۋدە. ارينە, بۇل قالىڭ قازاق جانكۇيەرلەرى كۇتكەندەي ناتيجە ەمەس. جەرلەسىمىزدىڭ الەۋەتى بۇدان الدەقايدا زور ەكە­­­نىن ءدۇيىم جۇرت جاقسى بى­­لەدى. ولاي بولسا, الداعى جا­­رىس­تاردا زارينانىڭ كور­سەت­­كىشى الدەقايدا جاقسارا تۇسە­تىنىنە سەنىمىمىز زور.

زارينا دياستان بولەك, توكيو وليمپياداسىنىڭ جە­كەلەگەن سايىستارىندا الەك­ساندر بۋبليك, يۋليا پۋ­تين­تسەۆا, ەلەنا رىباكينا, يارو­سلاۆا شۆەدوۆا جانە مي­حايل كۋكۋشكين سىنعا تۇ­سە­دى. سونىمەن قاتار ايتۋلى باسەكەدە اندرەي گولۋبەۆ پەن الەكساندر بۋبليك جانە ەلە­نا رىباكينا مەن ياروس­لاۆا شۆەدوۆا جۇبى دا ونەر كورسەتەدى. قازاقستاننان وسىنشاما كوپ ويىنشى بۇرىن-سوڭدى تورتجىلدىقتىڭ باستى دوداسىندا باق سىناعان جوق ەدى. بۇل وتاندىق تەننيسىمىزدىڭ ورلەگەنىنىڭ جارقىن ءبىر كورىنىسى. وسى ورەندەرىمىزدىڭ ءبىرى توكيو كورتىندا اسقان شەبەرلىك تانىتىپ, جەڭىس تۇعىرىنا كوتەرىلسە نۇر ۇستىنە نۇر بولار ەدى.