تاشكەنت قالاسىندا «ورتالىق جانە وڭتۇستىك ازيا: ايماقتىق ءوزارا بايلانىس. سىن-قاتەرلەر مەن مۇمكىندىكتەر» تاقىرىبىنداعى حالىقارالىق كونفەرەنتسيا قارساڭىندا ورتالىق ازيا ەلدەرىنىڭ سىرتقى ساياسات ۆەدومستۆولارى باسشىلارىنىڭ بەيرەسمي كەزدەسۋى ءوتتى.
ءىس-شاراعا قازاقستان رەسپۋبليكاسى پرەمەر-ءمينيسترىنىڭ ورىنباسارى – سىرتقى ىستەر ءمينيسترى مۇحتار تىلەۋبەردى, تاجىكستان رەسپۋبليكاسىنىڭ سىرتقى ىستەر ءمينيسترى سيرودجيددين مۋحريددين, تۇرىكمەنستان مينيسترلەر كابينەتى توراعاسىنىڭ ورىنباسارى – سىرتقى ىستەر ءمينيسترى راشيد مەرەدوۆ, وزبەكستان رەسپۋبليكاسىنىڭ سىرتقى ىستەر ءمينيسترى ابدۋلازيز كاميلوۆ جانە قىرعىز رەسپۋبليكاسى سىرتقى ىستەر ءمينيسترىنىڭ ءبىرىنشى ورىنباسارى نۋران نيازاليەۆ قاتىستى.تاراپتار بيىلعى 6 تامىزدا تۇرىكمەنستاندا وتەتىن ورتالىق ازيا مەملەكەتتەرى باسشىلارىنىڭ كونسۋلتاتيۆتىك كەزدەسۋىنە دايىندىق ماسەلەلەرىن تالقىلادى. ءىس-شارانىڭ كۇن ءتارتىبى, ءسامميتتىڭ قورىتىندى قۇجاتتارى بويىنشا پىكىر الماسىلدى.
«ەگەمەن-اقپارات»