وتكەن تاۋلىكتە ەلوردادا كارانتين شەكتەۋلەرىن بۇزعان 8 كاسىپكەرلىك نىسان انىقتالدى, دەپ جازادى Egemen.kz.
ەنگىزىلگەن شەكتەۋلەرگە قاراماستان, سارىارقا اۋدانىندا بەلگىلەنگەن ۋاقىتتان كەيىن «Pei Zdes» لاۋندج-بارى, «اتوم» كومپيۋتەرلىك كلۋبى جانە «ۋگول 4/1» بارى جۇمىس ىستەدى.
الماتى اۋدانىندا ورنالاسقان «كيش ميش» كافەسىندە, «كاكيە ليۋدي» بارىندا, «ەحو» كلۋبىندا دا جۇمىس رەجيمىنىڭ بۇزىلۋى انىقتالدى.
سونىمەن قاتار, ەسىل اۋدانىنداعى «Inforno» مەيرامحاناسى مەن «VZلەتنىي» رەستو-بارى ساعات 22.00-دەن كەيىن كەلۋشىلەردى قابىلداۋدى جالعاستىرعان. كاليان شەگۋ قىزمەتىن كورسەتكەن.
ءتارتىپ بۇزۋشىلارعا قاتىستى جينالعان ماتەريالدار ءتيىستى شارالار قابىلداۋ ءۇشىن اۋداندىق سانيتارلىق-ەپيدەميولوگيالىق باقىلاۋ باسقارماسىنا تاپسىرىلدى.
ايتا كەتەيىك, جىل باسىنان 15 شىلدەگە دەيىن ەلوردادا شەكتەۋ جانە كارانتين شارالارىن بۇزعانى ءۇشىن 786 جەكە جانە زاڭدى تۇلعا اكىمشىلىك جاۋاپكەرشىلىككە تارتىلىپ, 159 ملن تەڭگە ايىپپۇل سالىنعان.