ابايدى ۆەتنام تىلىنە تارجىمەلەگەن اۋدارماشىلار توبىنىڭ جەتەكشىسى دوان زان نگيەپكە قازاقستان پرەزيدەنتى قاسىم-جومارت توقاەۆتىڭ العىس حاتى تابىستالدى, دەپ جازادى Egemen.kz قر ءسىم ءباسپاسوز قىزمەتىنە سىلتەمە جاساپ.
حانويداعى قازاقستان ەلشىلىگىندە ەكى حالىق اراسىنداعى مادەني بايلانىستاردى دامىتۋعا قوسقان ۇلەسى جانە ابايدى ۆەتنام تىلىنە تارجىمەلەگەن اۋدارماشىلار توبىنىڭ جەتەكشىسى دوان زان نگيەپكە قازاقستان پرەزيدەنتى قاسىم-جومارت توقاەۆتىڭ العىس حاتىن تابىستاۋ ءراسىمى ءوتتى.
سالتاناتتى ءراسىم بارىسىندا ەلشى ەرلان بايجانوۆ قازاقستان مادەنيەتىن ۆەتنامدا كەڭىنەن ناسيحاتتاعانى ءۇشىن شىن جۇرەكتەن العىسىن ءبىلدىرىپ, ماراپاتتالعان ازاماتقا جاڭا شىعارماشىلىق تابىس تىلەدى.
ءوز كەزەگىندە ۆەتنامدىق كوركەم اۋدارما شەبەرى شىنايى ريزاشىلىعىن ءبىلدىردىرىپ, قازاقستاننىڭ پرەزيدەنتىنە جىلى لەبىزىن جانە ىزگى تىلەگىن جەتكىزۋدى سۇرادى.
«كۇتپەگەن قۇرمەتكە بولىنگەنىمە وتە قۋانىشتىمىن. قازاقستان پرەزيدەنتىنىڭ وسى شەشىمى مەنى قازاق حالقىنىڭ بىرەگەي باي مادەنيەتىن ۆەتنامدا ناسيحاتتاۋدى جالعاستىرۋعا قۇلشىندىرادى», دەدى دوان زان نگيەپ.