وزبەكستان رەسپۋبليكاسىنىڭ پرەزيدەنتى شاۆكات ميرزيوەۆ «ورتالىق جانە وڭتۇستىك ازيا: ايماقتىق ءوزارا بايلانىس. قيىندىقتار مەن مۇمكىندىكتەر» اتتى حالىقارالىق كونفەرەنتسياعا كەلگەن قازاقستان پرەمەر-ءمينيسترىنىڭ ورىنباسارى - سىرتقى ىستەر ءمينيسترى مۇحتار تىلەۋبەردىنى قابىلدادى, دەپ حابارلايدى Egemen.kz وزبەكستان رەسپۋبليكاسى پرەزيدەنتىنىڭ رەسمي سايتىنا سىلتەمە جاساپ.
كەزدەسۋدە وزبەكستان مەن قازاقستان اراسىنداعى دوستىق, تاتۋ كورشىلىك جانە ستراتەگيالىق سەرىكتەستىك قاتىناستارىن ودان ءارى نىعايتۋدىڭ وزەكتى ماسەلەلەرى تالقىلاندى.
سىرتقى ىستەر ءمينيسترى مۇحتار تىلەۋبەردى شاۆكات ميرزيوەۆكە قازاقستان پرەزيدەنتى قاسىم-جومارت توقاەۆ پەن قازاقستاننىڭ تۇڭعىش پرەزيدەنتى, ەلباسى - نۇرسۇلتان نازارباەۆتىڭ قۇتتىقتاۋىن جانە ىزگى تىلەكتەرىن جەتكىزدى.
سونداي-اق كەزەدسۋ بارىسىندا الداعى ءىس-شارالاردى جوعارى دەڭگەيدە دايىنداۋعا, سونداي-اق ەكى ەل اراسىنداعى ەكونوميكالىق جوبالار مەن ءوزارا ءتيىمدى ىنتىماقتاستىق باعدارلامالارىن ىلگەرىلەتۋگە ەرەكشە نازار اۋدارىلدى.
بۇدان بولەك اۋعانستانداعى احۋال جانە تامىز ايىنىڭ باسىندا ورتالىق ازيا ەلدەرى باسشىلارىنىڭ تۇركىمەنستاندا وتەتىن كونسۋلتاتيۆتى كەزدەسۋىنە دايىندىق بارىسى ءسوز بولدى.