شىعىستان – كۇنشىعىس ەلىنە

– ءبىر اپتادان سوڭ جالاۋى جەلبىرەيتىن وليمپياداعا شى­رايلى شىعىستان ون اتلەت قا­تىسادى, – دەدى بىزبەن تىل­دەسكەن شىعىس قازاقستان وب­لىس­تىق دەنە تاربيەسى جانە سپورت باس­قارماسىنىڭ باسشىسى دوس­جان ءۋالحانوۆ. – ولار: ولگا رىپا­كوۆا ء(ۇش قارعىپ سەكىرۋ), نادەجدا دۋبوۆيتسكايا (بيىكتىككە سەكىرۋ), ەرلان سەرىكجانوۆ (دزيۋدو), الەكساندر كۋليكوۆ (ەسكەك ەسۋ), رۋسلان كۋربانوۆ (سەمسەرلەسۋ), جاننا ماماجانوۆا (5 مىڭ جانە 10 مىڭ مەترگە جۇگىرۋ), نۇرسۇلتان تۇرسىنوۆ, دا­نيار قايسانوۆ (گرەك-ريم كۇ­رەسى, ەركىن كۇرەس), مارگاريتا تور­لوپوۆا (بايداركا جانە قا­يىق ەسۋ), ەكاتەرينا سميرنوۆا (ەس­كەك ەسۋ). امانشىلىق بولسا, تاعى ءبىر تالانتتى سۋعا ءجۇزۋشى الەك­ساندر ۆاراكيننىڭ انە-مىنە جول­داماعا يە بولاتىن ءتۇرى بار. ال پاراليمپيا ويىندارىنا نۇرالى سوۆەتحانوۆ اتتانادى. ول قازىر قىرعىزستاندا جات­تىعۋدا, توكيوعا سول جاقتان بىردەن بارادى.

– كىمدەردەن ءۇمىت كۇتەسىز؟

– وليمپيا ويىندارىنىڭ ءۇش دۇركىن جۇلدەگەرى, التىن قى­زىمىز ولگا رىپاكوۆا بابىندا. ولگانى جۇبايى, باپكەرى دەنيس رىپاكوۆ باستاپ بارا­دى. باعى جانسا تاجىريبەلى قى­زىمىز ءبىر مەدالعا يە بولار دەگەن ۇمىتتەمىز. ەلىمىزدىڭ كوك باي­راعىن ۇستاپ شىعاتىن ول­گا­دان ءتورتىنشى مەدال كۇتە­لىك. بيىكتىككە سەكىرۋشى نادەج­دا دۋبوۆيتسكايا ازيا رەكوردىن جاڭارتقان. ونىڭ كورسەتكىشى­مەن وليمپيادادا توپ جارعان سپورتشىلار بار. دەمەك, نا­دەجدا دا جەرگە قاراتپاس. ال با­لۋاندارعا كەلسەك, جەرەبە ساتى­مەن تۇسسە, مەدال بۇيىرىپ قا­لۋى عاجاپ ەمەس. دزيۋدوشى ەرلان سەرىكجانوۆ – تالانتتى بالۋان. سەمسەرلەسۋشى رۋسلان كۋر­بانوۆتان دا ۇمىتتەنەمىز. ەكا­تەرينا سميرنوۆا (لۋكيچەۆا) سوناۋ بەيجىڭ وليمپياداسىنا قاتىسقان تاجىريبەلى سپورتشى. باعى جانسا, جاقسى ناتيجە كور­سەتەر دەگەن ويدامىز. قورىتا ايت­قاندا, شىعىستىڭ شىمىر ۇل-قىزدارى بۇل جولى دا نامىستى جانىپ, كۇنشىعىس ەلىنەن ابىرويمەن ورالار دەگەن ءۇمىت بار. ەل تاۋەلسىزدىگىنىڭ 30 جىلدىعىنا لايىقتى تارتۋ جاساساق دەيمىز, – دەپ اعىنان جارىلدى دوسجان نۇرباي ۇلى.

ءدايىم ايتقانى كەلسىن!

وڭداسىن ەلۋباي,

قازاقستاننىڭ قۇرمەتتى

سپورت قىزمەتكەرى

وسكەمەن