ءىز-ءتۇزسىز جوعالىپ كەتكەن وزبەكستان ازاماتشاسى الماتىدا امان-ەسەن تابىلدى, دەپ حابارلادى Egemen.kz Polisia.kz سايتىنا سىلتەمە جاساپ.
بۇعان دەيىن باق-تا 39 جاستاعى وزبەكستان ازاماتشاسى قازاقستاندا جوعالىپ كەتكەنى, تۋىستارى ءبىر جىلدان بەرى بايلانىسقا شىعا الماي جۇرگەندىگى تۋرالى اقپارات تاراعان بولاتىن.
«بۇل ماسەلە بويىنشا ءسىم ارقىلى ەشقانداي رەسمي مالىمدەمە بولعان جوق. سوعان قاراماستان جەدەل-ىزدەستىرۋ شارالارى جۇرگىزىلىپ, ناتيجەسىندە ايەل تابىلدى.
ايەلدىڭ «تاستاق» شاعىن اۋدانىنداعى كافەلەردىڭ بىرىندە جۇمىس ىستەيتىندىگى, بىراق قالانىڭ مەدەۋ اۋدانىندا تۇراتىندىعى انىقتالدى. ول ءوزىنىڭ تۋىستارىمەن جەكە ماسەلەلەر بويىنشا جانە تۇراقتى تابىستىڭ جوقتىعىن ەسكەرە وتىرىپ بايلانىسپاعانىن ءتۇسىندىردى. سونداي-اق ايەل ازىرگە ۇيگە بارمايتىنىن ايتتى», دەپ حابارلادى الماتى قالاسى پد كريمينالدىق پوليتسيا باسقارماسىنىڭ باستىعى قۋاتبەك ناۋاتوۆ.