بۇل تۋرالى فرانتسيانىڭ سىرتقى ىستەر ءمينيسترى جان-يۆ لە دريان بريۋسسەلدەگى ەو-عا مۇشە ەلدەردىڭ سىرتقى ىستەر مينيسترلەرىنىڭ كەزدەسۋىنەن كەيىن مالىمدەدى, دەپ جازادى Egemen.kz.
ونىڭ پىكىرىنشە, ليۆان - ءوزىن-ءوزى قۇلدىراتىپ جاتقان, حالقى كۇيزەلىسكە ۇشىراعان ەل.
ء«بىز ۇنەمى ليۆان باسشىلىعىنا ۇكىمەتتى قۇرۋ, رەفورمالار جۇرگىزۋ كەرەك دەگەندى قايتالاپ كەلەمىز», دەدى فرانتسۋز ديپلوماتياسىنىڭ باسشىسى.
ول ەو ەلدەرى وسى ايدىڭ اياعىندا ليۆانعا قارسى سانكتسيالار بويىنشا ساياسي كونسەنسۋسقا كەلگەنىن اتاپ ءوتتى. فرانتسۋز ديپلوماتياسىنىڭ باسشىسى سانكتسيالار ليۆان بيلىگىن العا جەتەلەپ, جاڭا كابينەت قۇرۋعا ىقپال ەتەتىن قۇرالعا اينالادى دەپ ويلايدى.
ەۋروپالىق وداقتىڭ سىرتقى قاتىناستار جانە قاۋىپسىزدىك ساياساتى جونىندەگى جوعارى وكىلى جوزەپ بوررەلل دە ليۆانداعى ساياسي كۇيرەۋ جالعاسىپ جاتقانىن جانە بريۋسسەل بۇل جاعدايعا تاياۋ شىعىس ەلدەرىنىڭ ساياسي جەتەكشىلەرىنەن گورى كوبىرەك الاڭدايتىنىن اتاپ ءوتتى.