وبلىستىق توتەنشە جاعدايلار دەپارتامەنتى ءباسپاسوز قىزمەتىنىڭ اقپاراتىنا قاراعاندا, 10 شىلدەدە ساعات 18:05 شاماسىندا 65 جاستاعى زەينەتكەر جايىق وزەنىنە شومىلۋعا بارىپ, باتىپ كەتە جازداعان, دەپ حابارلايدى Egemen.kz.
«دەپارتامەنتتىڭ جەدەل قۇتقارۋ جاساعىنىڭ قۇتقارۋشىلارى ارمان باقىتجان ۇلى, قۋاندىق قارتاڭباەۆ جانە ەرنار انۋاربەكوۆ كەزەكتى رەيد كەزىندە جايىق وزەنىنە سۋعا باتىپ بارا جاتقان ادامدى قۇتقارىپ قالدى. كەيىن انىقتالعانداي, 65 جاستاعى ازامات ماس كۇيىندە وزەننىڭ ارنايى جابدىقتاماعان جەرىنە سۋعا تۇسكەن. ءتىپتى وزەندى كەسىپ وتپەك بولعان. الايدا, وزەننىڭ ورتاسىنا دەيىن ءجۇزىپ, جاعالاۋىنا جەتە الماي, باتا باستاعان. سول كەزدە ايعايلاپ, كومەك شاقىرعان», دەپ حابارلادى دەپارتامەنتتىڭ ءباسپاسوز قىزمەتى.