وزبەكستانعا ۇشىپ بارا جاتقان يراندىق جولاۋشىلار لاينەرى تۇركىمەن بيلىگىنىڭ ۇستانىمىنا بايلانىستى يرانعا ورالۋعا ءماجبۇر بولدى. بۇل تۋرالى Iranintl باسىلىمى حابارلادى, دەپ جازادى Egemen.kz.
170 جولاۋشىسى بار Zagros ۇشاعى تاشكەنتكە بەت العان كەزدە تۇركىمەن جاعى كۇتپەگەن جەردەن ونىڭ اۋماعىنان ۇشۋعا رۇقساتتى الىپ تاستادى.
يران شەنەۋنىكتەرى مۇنى كومپانيانىڭ ۇشۋ قۇقىعى ءۇشىن تولەنبەگەندىكتەن دەپ تۇسىندىرگەن. ۇشاق يراننىڭ مەشحەد قالاسىنا قوندى. وسىدان كەيىن جولاۋشىلاردا تاعى ءبىر ماسەلە تۋىندادى. پاسپورتتارىندا كەتۋگە رۇقسات بولعاندىقتان, ولار يران اۋماعىندا ۇشاقتان تۇسە المايدى ەكەن.
Iranintl باسىلىمى بۇل وقيعانى اقش سانكتسيالارى سالدارىنان تۋىنداعان يراندىق كومپانيالار مەن ۇكىمەتتەگى قارجىلىق پروبلەمالارمەن بايلانىستىرادى.
ايتا كەتۋ كەرەك, سانكتسيالارعا بايلانىستى شەتەل ۆاليۋتاسىن يرانعا حالىقارالىق بانك جۇيەسى ارقىلى اۋدارۋ مۇمكىن ەمەس.