اقمولا وبلىسىندا جوعالىپ كەتكەن ەر ادامنىڭ دەنەسى تابىلدى

وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە, بيىلعى ماۋسىمنىڭ 30-دا كوكشەتاۋ قالالىق پوليتسيا باسقارماسىنىڭ كەزەكشى بولىمىنە قالا تۇرعىنى, 31 جاستاعى ايەل حابارلاسىپ, 1960 جىلى تۋعان اكەسى بولاتبەك قورعانبەك ۇلى باتتالوۆتى ىزدەپ تابۋعا كومەك سۇراعان. 

ەر ادامدى ىزدەۋ جۇمىسىنا كوكشەتاۋ قالالىق پب جەكە قۇرامىنان 20 ادام, اقمولا وبلىستىق تجد جەكە قۇرامىنان 5 ادام, 15 ۆولونتەر, 40 كۋرسانت جانە 8 تەحنيكا جۇمىلدىرىلدى. 

تسەنترالنىي, ۆاسيلكوۆكا شاعىناۋدانىنداعى پاتەر يەلەرىنەن سۇرالىپ, بەينەجازبا كامەرالارىنداعى جازبالار تەكسەرىلدى.

«ىزدەستىرۋ جۇمىسىنىڭ ناتيجەسىندە ەر ادامنىڭ دەنەسى 9 شىلدە ساعات 10:00 شاماسىندا كوكشەتاۋ قالاسىنان اۋەجايعا بارار جولداعى ورمان القابىنان تابىلدى. قازىرگى كەزدە سوت-مەديتسينالىق ساراپتاما تاعايىندالدى. وقيعانىڭ ءمان-جايى انىقتالۋ ۇستىندە», دەدى ۆەدومستۆودان. 

ايتا كەتسەك, وسىعان دەيىن اقمولا وبلىسىندا حابار-وشارسىز كەتكەن ەر ادامعا ىزدەۋ جاريالانعان بولاتىن.