جاۋىنگەرلىك تۋمەن قوشتاسۋدىڭ سالتاناتتى ءراسىمى «وڭتۇستىك» وڭىرلىك قولباسشىلىعىنىڭ مەحانيكالاندىرىلعان بريگاداسىندا ءوتتى. بۇل كۇنى اسكەري قىزمەتتىڭ بەلگىلەنگەن مەرزىمىن وتەگەن 130-عا جۋىق اسكەري قىزمەتشى 365 كۇن ءومىر سۇرگەن اسكەري بولىممەن قوشتاستى, دەپ جازادى Egemen.kz.
ساربازاداردى قىزمەتتەرىنىڭ اياقتالۋىمەن مەحانيكالاندىرىلعان بريگادا كومانديرى پودپولكوۆنيك نۇركەن قاراعۇلوۆ قۇتتىقتادى. ءبولىم باسشىلىعى, وفيتسەرلەر جانە كەلىسىمشارت بويىنشا اسكەري قىزمەتشىلەر اتىنان ول اسكەري قىزمەتشىلەردىڭ جوعارى رۋحاني–ادامگەرشىلىك جانە پاتريوتتىق قاسيەتتەرىن قالىپتاستىرعانىنا سەنىم ءبىلدىردى.
- سىزدەردىڭ ارقايسىلارىڭىز كەز كەلگەن ۋاقىتتا وتاندى قورعاۋعا دايىن ەكەندەرىڭە سەنىمدىمىن. مەن اسكەري ءومىرىن اياقتاپ جاتقان بارلىق ساربازدارعا, ءبىر جىل بويى ولارمەن بىرگە بولعان بارلىق وفيتسەرلەر مەن سەرجانتتارعا العىسىمدى بىلدىرگىم كەلەدى. اتا - انالارىڭىزعا ناعىز وتان قورعاۋشىلاردى تاربيەلەگەنى ءۇشىن ريزاشىلىعىمدى بىلدىرەمىن, - دەپ اتاپ ءوتتى پودپولكوۆنيك نۇركەن قاراعۇلوۆ.
«قارۋلى كۇشتەر ارداگەرلەرى» رقب قالالىق فيليالىنىڭ توراعاسى پولكوۆنيك سەرىكباي ونباەۆ ساربازدارعا الداعى ۋاقىتتا تاڭداعان سالالىرنداساتتىلىك تىلەدى.
- ساربازدار سىزدەرگە الداعى ومىردە ءوز قابىلەتتەرىڭىزدى دۇرىس قولدانا وتىرىپ, تۋىستارىڭىز بەن جاقىندارىڭىز ءۇشىن ناعىز تىرەك بولاسىز دەپ سەنەمىن. سىزدەر وتانىمىزدىڭ گۇلدەنۋى ءۇشىن قولدارىڭىزدان كەلگەنىنشە ەڭبەكتەنەتىندەرىڭىزگە سەنىم ارتامىن, - دەدى ارداگەر.
ۇلگىلى اسكەري ءتارتىپ, جاۋىنگەرلىك دايارلىق پەن قىزمەت ەتۋدە كورسەتكەن جاقسى ناتيجەلەرى ءۇشىن ساربازدار العىس حاتتارمەن جانە گراموتالارمەن ماراپاتتالدى.