باياناۋىل اۋدانىندا ەكى جاسار بالا تراكتوردان قۇلاپ, كوز جۇمدى. پوليتسيا تەكسەرۋ جۇرگىزىپ جاتىر, دەپ حابارلايدى Egemen.kz Pavlodarnews.kz سايتىنا سىلتەمە جاساپ.
وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە, 7 شىلدە كۇنى ساعات 15:30-دا باياناۋىل اۋدانى قاراجار اۋىلىندا ءۇيدىڭ اۋلاسىندا 2019 جىلى تۋعان بالا «متز-82» تراكتورىنىڭ سالونىنان جەرگە قۇلاپ تۇسكەن.
- ءسابي اۋرۋحاناعا جاتقىزىلدى. وكىنىشكە وراي, العان جاراقاتىنان ەسىن جيماستان كوز جۇمدى. كامەلەتكە تولماعان بالالاردى بىرنەشە سەكۋندقا دا قاراۋسىز قالدىرماڭىز. بالاعا ءبىر جەرگە كوتەرىلۋگە نەمەسە جۇگىرۋگە 10-20 سەكۋند جەتكىلىكتى. اسىرەسە كىشكەنتاي بالالاردى نازاردان تىس قالدىرماڭىزدار, - دەلىنگەن حابارلامادا.
تەكسەرۋ جۇرگىزىلىپ, ساراپتاما تاعايىندالدى.