كەشە بانگلادەش مەملەكەتىندە وتكەن پارلامەنتتىك سايلاۋدا پرەمەر-مينيستر شەيح حاسينا باسقاراتىن حالىقتىق ليگا جەڭىسكە جەتتى. بۇل تۋرالى يتار-تاسس حابارلادى.
جەلتوقسان ايىندا وپپوزيتسيا تاراپىنداعى بانگلادەش ۇلتشىلدىق پارتياسى مەن ۇلتتىق پارتيا سايلاۋعا قاتىسۋدان باس تارتقان بولاتىن. بۇپ توراعاسى بەگۋم حالەدا زيا ۋاقىتشا ۇكىمەتتەن سايلاۋداعى باقىلاۋدى قالپىنا كەلتىرۋدى تالاپ ەتتى.
«Times of India» گازەتى جازعانداي, الدىن-الا قورىتىندىلار بويىنشا, بيلىك باسىنداعى حالىقتىق ليگا 174 سايلاۋ وكرۋگىنىڭ 95-ىندە جوعارى داۋىس جيناعان. ال 13 سايلاۋ وكرۋگىندە توپ جارعان ۇلتتىق پارتيا وكىلى ەكىنشى كورسەتكىشكە قول جەتكىزدى.
ايتا كەتەتىن جايت, بانگلادەشتەگى پارلامەنتتىك سايلاۋدا ۇلكەن تارتىپسىزدىكتەر ورىن الدى. ەرەۋىلشىلەر سايلاۋ ۋچاسكەلەرىن ورتەپ, ونداعى بيۋللەتەندەردى الىپ كەتكەن. مۇنداعى تارتىپسىزدىكتەردەن 17 ادام قازا بولعان ەكەن.
ايدار ورىسباەۆ.
دەرەككوز: Itar-tass.com
فوتو: Itar-tass.com