اقش-تىڭ ورتالىق-باتىس جانە سولتۇستىك-شىعىس اۋداندارىندا 3 قاڭتاردان بەرى ۇزىلمەي سوققان قارلى بوران كولىك قوزعالىسىنا قاتتى كەدەرگى كەلتىرىپ, ناتيجەسىندە جول اپاتىنان 16 ادام قازا بولدى. بۇل تۋرالى Samaratoday.ru حابارلادى.
قازىرگى ۋاقىتتا كانادا مەن اقش-تىڭ سولتۇستىك-شىعىسىندا قاردىڭ قالىڭدىعى 60 سانتيمەترگە جەتتى.
كىسى ولىمىنە سوقتىرعان جول اپاتتارى نيۋ-يورك, پەنسيلۆانيا, كەنتۋككي, يللينويس, ميچيگان مەن ينديانا شتاتتارىندا ورىن الدى.
نيۋ-دجەرسي مەن نيۋ-يورك شتاتتارىنداعى مەكتەپتەر مەن مەملەكەتتىك مەكەمەلەر قىزمەتتەرىن ۋاقىتشا توقتاتۋعا ءماجبۇر بولدى. تۇرعىندارعا ۇيلەرىنەن شىقپاۋعا كەڭەس بەرىلدى. مۇنداعى قاردىڭ قالىڭدىعى 60 سانتيمەترگە جەتىپ وتىر. ونى تازارتۋعا 1700 تەحنيكا جۇمىلدىرىلدى. قار كوشكىنىنە بايلانىستى نيۋ-يورك, ۆاشينگتون, بوستون, چيكاگو مەن فيلادەلفيا اۋەجايلارى ۋاقىتشا جابىلىپ, 3 مىڭنان اسا اۋە ساپارى كەيىنگە قالدىرىلدى.
مەتەورولوگتاردىڭ بولجامى بويىنشا, اقش-تىڭ سولتۇستىك جانە ورتالىق ايماقتارىندا اۋا تەمپەراتۋراسى 60 گرادۋسقا دەيىن تومەندەۋى مۇمكىن.
ايدار ورىسباەۆ.
دەرەككوز: Samaratoday.ru
فوتو: Obozrevatel.com