دۇنيەجۇزىلىك دەنساۋلىق ساقتاۋ ۇيىمى «دەلتا» شتامى دەپ اتاعان كوروناۆيرۋستىڭ ۇندىلىك نۇسقاسىنىڭ سالدارى باسقا تۇرلەرگە قاراعاندا اۋىر بولۋى ابدەن مۇمكىن. مۇنداي پىكىردى NBC تەلەارناسىنىڭ ەفيرىندە اقش اللەرگيالىق جانە ينفەكتسيالىق اۋرۋلار ۇلتتىق ينستيتۋتىنىڭ ديرەكتورى ەنتوني فاۋچي ءمالىم ەتتى, دەپ حابارلايدى Egemen.kz.
ونىڭ اتاپ وتۋىنشە, ۆيرۋستىڭ بۇل ءتۇرى الدەقايدا جۇقپالى بولۋى مۇمكىن.
«ول ادامنان ادامعا وڭاي جۇعادى», دەدى ەنتوني فاۋچي.
ەنتوني فاۋچي امەريكالىق زەرتتەۋشىلەر تانىسىپ وتكەن عىلىمي مالىمەتتەر بويىنشا, اتالعان شتامدى جۇقتىرعانداردى «اۋرۋحاناعا جاتقىزۋعا تۋرا كەلەتىن, ال كەي جاعدايلاردا ولىمگە اپاراتىن اۋىر دەرتكە اپاراتىندىقتان» ء«ولىم تۋدىراتىن ۆيرۋس» ەكەنىن جەتكىزدى.
ماۋسىمنىڭ سوڭىندا اقش-تىڭ اۋرۋلاردى قاداعالاۋ جانە الدىن الۋ فەدەرالدىق ورتالىقتارىنىڭ باسشىسى روشەل ۆالەنسكي امەريكالىق ماماندار دەلتا-شتامنىڭ زەرتتەپ جۇرگەنىن ءمالىم ەتتى.