جاقىندا ورىن العان ەكى بىردەي تەراكتىدەن جاپا شەككەن 65 ادام ماسكەۋ مەن ۆولگوگراد قالالارىنداعى اۋرۋحانالاردا جاتىر. بۇل تۋرالى يتار-تاسس حابارلادى.
«ازىرگە جەرگىلىكتى اۋرۋحانالاردا 47 جانە ماسكەۋدە 18 ادام ەمدەلۋدە, – دەدى ۆولگوگراد وبلىسى گۋبەرناتورىنىڭ ورىنباسارى ۆاسيلي گالۋشكين. – جارىلىستان جاپا شەككەن تاعى ەكى ادامدى ماسكەۋگە جەتكىزۋ جوسپارلانىپ وتىر».
رەسەيدىڭ ۆولگوگراد قالاسىندا تاۋلىك ىشىندە ەكى بىردەي تەراكت بولدى. 29 جەلتوقسان كۇنى جەرگىلىكتى تەمىرجول ۆوكزالىندا بەلگىسىز بىرەۋ ءوز-ءوزىن جارىپ جىبەردى. ال ەرتەڭىنە تاعى ءبىر جانكەشتى لاڭكەس جولاۋشىلار تولى تروللەيبۋس ىشىندە ۇستىندەگى جارىلعىش قۇرالدى ىسكە قوسقان. ۆولگوگرادتا ورىن العان لاڭكەستىك ارەكەتتەردەنجالپى 34 ادام قازا بولدى.
ۆاسيلي گالۋشكين سونداي-اق ۆولگوگراد وبلىسىنىڭ بيلىگى 10 قاڭتاردا تەراكت سالدارىنان جاپا شەككەندەرگە جانە قازا بولعانداردىڭ وتباسىنا تۇگەل وتەماقى تولەيتىندەرىن مالىمدەدى. قازىرگى ۋاقىتتا 56 ادامعا وتەماقى تولەنگەن. قازا بولعان 13 ادامنىڭ وتباسىنا وبلىستىق بيۋدجەتتەن 1 ملن. جانە فەدەرالدى بيۋدجەتتەن 1 ملن. رۋبل بەرىلدى. ال جاپا شەككەن 43 ادام 200 مىڭ رۋبل كولەمىندە وتەماقى العان.
ايدار ورىسباەۆ.
دەرەككوز: Itar-tass.com
فوتو: Ntv.ru