قازاقستان رەسپۋبليكاسى تاۋەلسىزدىگىنىڭ 30 جىلدىعىن اتاپ ءوتۋ اياسىندا تۇڭعىش پرەزيدەنت – ەلباسى نۇرسۇلتان نازارباەۆتىڭ يتاليان تىلىندەگى «تاۋەلسىزدىك ءداۋىرى» كىتابىنىڭ سالتاناتتى تۇساۋكەسەرى ءوتتى, دەپ حابارلايدى Egemen.kz سىرتقى ىستەر مينيسترلىگىنە سىلتەمە جاساپ.
ءىس-شارانى نۇرسۇلتان نازارباەۆ قورىنىڭ قولداۋىمەن قازاقستاننىڭ يتالياداعى ەلشىلىگى ۇيىمداستىردى.
ەلشى ەربولات سەمباەۆ ءوز سوزىندە كىتاپتىڭ تاۋەلسىز جاس ەلدىڭ قالىپتاسۋى تۋرالى ماڭىزدى فاكتىلەردى اشاتىنىن جانە نۇرسۇلتان نازارباەۆتىڭ جۇمىس داپتەرلەرى مەن مۇراعاتتارىندا ساقتالعان تۇڭعىش پرەزيدەنتتىڭ جەكە تاجىريبەسى مەن باقىلاۋلارىنا نەگىزدەلگەنىن اتاپ ءوتتى.
ديپلومات 2017 جىلعى جەلتوقساندا جارىققا شىققان كىتاپتى يتاليان تىلىنە اۋدارۋدىڭ ماڭىزدىلىعىن اتاپ ءوتتى, ويتكەنى بۇگىندە يتاليا قازاقستان ەكونوميكاسىنىڭ جەتەكشى ينۆەستورلارىنىڭ ءبىرى بولىپ تابىلادى, سونداي-اق الەمدە ەكىنشى جانە قازاقستاننىڭ نەگىزگى ساۋدا سەرىكتەستەرىنىڭ تىزىمىندە ەۋروپالىق وداق ەلدەرى اراسىندا ءبىرىنشى ورىن الادى.
«تاۋەلسىزدىك ءداۋىرى» دامۋدىڭ «قازاقستاندىق مودەلىنىڭ» ءمانىن, ونىڭ ەۆوليۋتسياسىن, نەگىزگى قاعيداتتارىن, تەتىكتەرى مەن قوزعاۋشى كۇشتەرىن تولىق سيپاتتايدى. كىتاپتا سونداي-اق قازاقستاندى جاڭعىرتۋدىڭ ءۇش تولقىنىنىڭ ءمانى مەن ماڭىزى اشىلادى, وسىنىڭ ارقاسىندا توتاليتارلىق جۇيەنى بولشەكتەۋ جانە نارىقتىق ەكونوميكا قۇرۋ مىندەتتەرى ءساتتى شەشىلدى», دەپ اتاپ ءوتتى ە. سەمباەۆ.
سونىمەن قاتار, ەلشى بۇل جەتىستىكتەر ن. نازارباەۆتىڭ قوعامدىق جانە جەكە ديپلوماتياسىنىڭ بىرەگەي ۇلگىسى بولىپ تابىلاتىنىن قوستى. كىتاپتا تۇڭعىش پرەزيدەنتتىڭ وزگە مەملەكەت باسشىلارىمەن رەسمي جانە بەيرەسمي كەزدەسۋلەرى تۋرالى ايتىلعان, ولاردىڭ ارقايسىسى ەلباسى تۇلعاسىنىڭ ەل ءۇشىن بىرەگەي تاريحي ءرولىن كورسەتەدى.
ءىس-شارا بارىسىندا نۇرسۇلتان نازارباەۆ قورىنىڭ پرەزەنتاتسياسى ءوتتى, ونىڭ قىزمەتى ادام كاپيتالىنىڭ باسەكەگە قابىلەتتىلىگىن ارتتىرۋعا, دارىندى جاستاردى قولداۋعا, الەۋمەتتىك جوبالار مەن ازاماتتىق باستامالاردى دامىتۋعا باعىتتالعان.
ءىس-شاراعا قاتىسۋشىلارعا ارناعان سوزىندە قوردىڭ اتقارۋشى ديرەكتورى يگور روگوۆ ەكونوميكانىڭ وزىندىك مودەلىن قالىپتاستىرۋ, ازاماتتاردىڭ ءومىر ءسۇرۋ ساپاسىن جاقسارتۋعا باعىتتالعان الەۋمەتتىك سالانى رەفورمالاۋ, سونداي-اق ساۋاتتى قۇرىلعان ۇلتارالىق بىرلىكتىڭ ۇيلەسىمدى مودەلى سياقتى ءتيىمدى مەملەكەتتىلىكتىڭ نەگىزدەرىن بىركەلكى دامىتۋ مەن نىعايتۋدا جاسالعان قازاقستاندىق تابىستىڭ فورمۋلاسىن اتاپ ءوتتى.
ي. روگوۆ ەلباسىنىڭ حالىقارالىق ستراتەگيالىق باستامالارىنىڭ جەتىستىكتەرىن اتاپ ءوتىپ, ولاردىڭ ارقاسىندا ەلىمىز الەمدىك قوعامداستىقتىڭ كەڭىنەن تانىلعان, تولىققاندى جانە بەلسەندى مۇشەسىنە اينالعانىن باسا ايتتى.
ءىس-شارانىڭ سپيكەرلەرى يتاليا دەپۋتاتتار پالاتاسىنىڭ كۆەستورى, «قازاقستان – يتاليا» پارلامەنارالىق دوستىق توبىنىڭ توراعاسى ەدموندو چيريەللي, يتاليا-قازاقستان ساۋدا پالاتاسىنىڭ توراعاسى پاولو گيرەللي, قازاقستاننىڭ سيتسيليا وڭىرىندەگى قۇرمەتتى كونسۋلى الەسساندرو اربوريو مەلا دي سانت ' ەليا, «Vision & Global Trends» حالىقارالىق جاھاندىق تالداۋ ينستيتۋتىنىڭ پرەزيدەنتى تيبەريو گراتسياني بولدى.
ءىس-شارا سوڭىندا ەلشى كىتاپتى يتاليان تىلىنە اۋدارۋدىڭ ارقاسىندا جەرگىلىكتى قوعامداستىق, ساياساتكەرلەر, ىسكەرلىك جانە قوعامدىق ورتا وكىلدەرى, ستۋدەنتتەر دامۋدىڭ «قازاقستاندىق مودەلىنىڭ» ەۆوليۋتسياسىمەن تانىسىپ, قازاقستاننىڭ جاڭا تاريحىنىڭ بۇرىن-سوڭدى بەلگىسىز جاڭا قىرلارىن جانە ەلدىڭ ءجۇرىپ وتكەن جولىن اشا الاتىنىن اتاپ ءوتتى.
«تاۋەلسىزدىك ءداۋىرى» كىتابىنىڭ دانالارى ورتالىق ازيانى زەرتتەۋمەن اينالىساتىن يتالياندىق عىلىمي ورتالىقتارعا, يتاليانىڭ كىتاپحانالارى مەن جوعارى وقۋ ورىندارىنا سىيعا تارتىلادى, بۇل ەلىمىزدىڭ قالىپتاسۋ تاريحىن جانە ەلباسىنىڭ قازاقستاننىڭ مەملەكەتتىلىگىن نىعايتۋ جونىندەگى يدەيالارىن نەعۇرلىم تەرەڭ زەرتتەۋگە مۇمكىندىك بەرەدى.
ءىس-شارانىڭ قوناقتارى يتاليا پارلامەنتىنىڭ ەكى پالاتاسىنىڭ دەپۋتاتتارى, سونىڭ ىشىندە «قازاقستان - يتاليا» پارلامەنتارالىق دوستىق توبىنىڭ مۇشەلەرى, ىسكەرلىك, قوعامدىق, عىلىمي جانە مادەني توپتاردىڭ, ينۆەستيتسيالىق كومپانيالاردىڭ وكىلدەرى, سونداي-اق يتاليانىڭ باق وكىلدەرى بولدى.