2021 جىلدىڭ 1 شىلدەسىندە Astana Finance Days اياسىندا ايەلدەردىڭ ەكونوميكالىق مۇمكىندىكتەرىن كەڭەيتۋ فورۋمى باستالدى, دەپ جازادى Egemen.kz.
قارجى سەكتورىندا گەندەرلىك تەڭدىكتى جانە ايەلدەردىڭ قارجىلىق قامتىلۋىن كۇشەيتۋ فورۋمداعى «قارجى سالاسىنداعى ايەلدەر» (Women in Finance) سەسسياسىنىڭ باستى تاقىرىبى بولدى.
سەسسيا ايەلدەردىڭ ەكونوميكالىق مۇمكىندىكتەرىن كەڭەيتۋگە قاتىساتىن جەرگىلىكتى جانە جاھاندىق ساراپشىلاردىڭ, حالىقارالىق قارجى ينستيتۋتتارى مەن بانك مەكەمەلەرىنىڭ, جانە كاسىپكەر ايەلدەر كاسىپتىك قوعامداستىقتارىنىڭ باسىن قوستى.
«قارجى سالاسىنداعى ايەلدەر» سەسسياسىنىڭ نەگىزگى سپيكەرلەرى اراسىندا - قازاقستان رەسپۋبليكاسى قارجى نارىعىن رەتتەۋ جانە دامىتۋ اگەنتتىگىنىڭ توراعاسى مادينا ابىلقاسىموۆا حانىم, ەۋروپالىق قايتا قۇرۋ جانە دامۋ بانكىنىڭ (ەقدب) ورتالىق ازيا بويىنشا باسقارۋشى ديرەكتورى جۋجاننا حارگيتاي حانىم, Citi ينۆەستيتسيالىق جانە كورپوراتيۆتىك بانكىنىڭ ۇكىمەتتەر مەن مەملەكەتتىك سەكتوردىڭ جاھاندىق بلوگىنىڭ باسشىسى دجۋلي موناكو حانىم, «الفا-بانك» اق ەب باسقارما توراعاسى الينا انيكينا حانىم بولدى. سەسسيا مودەراتى مىندەتىن FMA مەملەكەتتىك رەفورما جانە ساياسات جونىندەگى اعا كەڭەسشى گاۋحار نۋرگاليەۆا حانىم اتقاردى.
سپيكەرلەر كاسىپكەر ايەلدەر ءۇشىن نارىق مۇمكىندىكتەرىن جانە ايەلدەردىڭ ەكونوميكالىق جانە قارجىلىق مۇمكىندىكتەرىن كەڭەيتۋگە باعىتتالعان حالىقارالىق باعدارلامالاردى, سونداي-اق ايەلدەردىڭ الەۋەتىن ارتتىرۋمەن بايلانىستى ەكونوميكالىق مۇمكىندىكتەردى تالقىلادى.
«قازاقستان گەندەرلىك تەڭدىكتى ءوزىنىڭ ستراتەگيالىق ماقساتتارىنىڭ ءبىرى رەتىندە انىقتادى, جانە ءبىز بۇل ماسەلەنى العا جىلجىتۋ ءۇشىن جۇيەلى شارالار قولدانىپ جاتىرمىز. قازاقستانداعى كورپوراتيۆتىك سەكتوردىڭ قازىرگى قۇرىلىمىنداعى كومپانيالاردا ايەلدەردىڭ شامامەن 26% توپ-مەنەدجەر قىزمەتىن اتقارادى. سونىمەن بىرگە, شوب سالاسىنداعى بارلىق كومپانيالاردىڭ 60% -دان استامىن ايەلدەر باسقارادى. بۇل باسقا دامۋشى ەلدەرمەن سالىستىرعاندا سالىستىرمالى تۇردە جوعارى كورسەتكىشتەر», دەپ اتاپ ءوتتى قازاقستان رەسپۋبليكاسى قارجى نارىعىن رەتتەۋ جانە دامىتۋ اگەنتتىگىنىڭ توراعاسى مادينا ابىلقاسىموۆا حانىم.
پانەلدىك سەسسيا بارىسىندا سپيكەرلەر كاسىپكەرلىك داعدىلاردى دامىتۋعا باعىتتالعان قارجىلاندىرۋ مەن وقىتۋعا جاقسى قول جەتىمدىلىكتى قامتاماسىز ەتۋدىڭ ماڭىزدىلىعىن تالقىلادى, جانە فورۋم قاتىسۋشىلارىمەن ايەلدەر ءۇشىن بيزنەس سالاسىنداعى حالىقارالىق اشىق ءبىلىم بەرۋ باعدارلامالارى تۋرالى اقپاراتپەن ءبولىستى.
ەقدب-ءنىڭ ورتالىق ازيا بويىنشا باسقارۋشى ديرەكتورى جۋجاننا حارگيتاي حانىم:
«Astana Finance Days اياسىنداعى ايەلدەردىڭ الەمدەگى جانە قازاقستان ەكونوميكاسىنداعى ءرولىن تالقىلاۋ مەن ءۇشىن كەرەمەت مۇمكىندىك بولدى. ەقدب-دە ءبىز تەك جاقسى باسقارىلاتىن, باسەكەگە قابىلەتتى, جاسىل ەكونوميكانى قۇرۋعا عانا ەمەس, سونىمەن قاتار اناعۇرلىم ينكليۋزيۆتى جانە ورنىقتى بولۋىنا كومەكتەسەمىز», دەدى.