قر پرەمەر-ءمينيسترىنىڭ ورىنباسارى ەرالى توعجانوۆتىڭ توراعالىق ەتۋىمەن«ارحيۆ ءىسىنىڭ وزەكتى ماسەلەلەرى جانە دامۋ جوسپارلارى» اتتى رەسپۋبليكالىق كەڭەس ءوتتى, دەپ حابارلايدى Egemen.kz.
كەڭەستە وتاندىق ارحيۆ سالاسىنىڭ قازىرگى جاي-كۇيى, ارحيۆ ءىسى جانە قۇجاتتاما سالاسىندا نورماتيۆتىك-قۇقىقتىق بازانى جەتىلدىرۋ, ارحيۆ ىسىندە زاماناۋي اقپاراتتىق تەحنولوگيالاردى قولدانۋ, ارحيۆتەردىڭ ماتەريالدىق-تەحنيكالىق جابدىقتالۋى, «ارحيۆ – 2025» كەشەندى جوسپارىنىڭ ىسكە اسىرىلۋى, ساياسي قۋعىن-سۇرگىن قۇرباندارىن تولىق اقتاۋ جونىندەگى مەملەكەتتىك كوميسسيامەن بىرلەسە جۇمىس جۇرگىزۋدىڭ جاي-كۇيى جانە باسقا دا وزەكتى ماسەلەلەر تالقىلاندى.
كەڭەسكە مادەنيەت جانە سپورت ءمينيسترى ا.رايىمقۇلوۆا, پارلامەنت ءماجىلىسىنىڭ دەپۋتاتى ا.سارىم, قوعام قايراتكەرى س.قاسىموۆ, ارحيۆ ىستەرى جانە قۇجاتتامانى باسقارۋ كوميتەتىنىڭ توراعاسى ق.بوراش جانە ت.ب. قاتىستى.
كەڭەس اياسىندا قۇجاتتىق كورمە ۇيىمداستىرىلىپ, العاش رەت ارحيۆ ىسىنە ۇلەس قوسقان سالا ارداگەرلەرى «ارحيۆ سالاسىنىڭ ۇزدىگى» توسبەلگىسىمەن ماراپاتتالدى.