گەرمانيا جاڭا ءتيپتى كوروناۆيرۋس (سovid-19) ىندەتى سەبەپتى «قاۋىپتى» دەپ جاريالاعان 80 ەلگە باعىتتالعان حالىقارالىق ساياحات ەسكەرتۋلەرىن جويدى, دەپ حابارلايدى Egemen.kz.
«گەرمانيا مەن ەۋروپانىڭ كوپ بولەگىندە ەپيدەميالىق جاعدايدىڭ جاقسارۋى, ۆاكتسينا ەگۋدىڭ كەڭەيۋى جانە «ساندىق كوۆيد-19 سەرتيفيكاتىنىڭ» تانىستىرىلۋى ساياحاتتى وڭايلاتادى. سول سەبەپتى ساياحات ەسكەرتۋلەرى 1 شىلدەدەن باستاپ وزگەردى», دەلىنگەن مينيسترلىكتىڭ مالىمدەمەسىندە.
گەرمانيا سىرتقى ىستەر ءمينيسترى حايكو مااس ساياحات ەسكەرتۋىنىڭ جويىلۋىن قولداپ: «جاعداي جاقسارعان جەرلەردە شەكتەمەلەردى جالعاستىرۋ قاجەتسىز» دەدى.
گەرمانيا سىرتقى ىستەر مينيسترلىگى حالىقتان سىرقاتتانعاندار كوپ جانە ۆيرۋس شتامدارى بايقالعان ەلدەرگە ساياحات جاساماۋدى سۇرادى.