قازاقستان رەسپۋبليكاسىنىڭ تۇڭعىش پرەزيدەنتى, ەلباسى نۇرسۇلتان نازارباەۆتىڭ سارابدال ساياساتىمەن ەل داۋلەتى ارتىپ, تۇعىرى نىعايعانى امبەگە ايان. تاۋەلسىزدىگىمىزدى تورتكۇل دۇنيەگە پاش ەتىپ, دامۋشى ەلدەرگە ءتان وتپەلى كەزەڭنەن وتكەن ەلىمىزدىڭ ءار جىلى جەتىستىكتەر مەن جەڭىستەرگە تولىپ كەلەدى. الەۋمەتتىك-ەكونوميكالىق سالادا كەزەڭ-كەزەڭىمەن جۇرگىزىلگەن رەفورمالار قازاقستاندىقتاردىڭ ىنتىماعىن ارتتىرىپ, ىرىسىن تاسىتتى ءھام بەرەكەسىن كىرگىزدى. حالقىمىزدى نۇرلى جولعا باستاعان ەلباسىمىزدىڭ «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» اتتى قازاقستان حالقىنا جولداۋى اتى ايتىپ تۇرعانداي-اق وركەنيەتتى ەلدەر قاتارىنان وزىندىك ورنىن بەلگىلەپ, وزگە ەلدەرگە ۇلگى بولا باستاعانى تاعى بار. وسى ەلدىڭ ءتول پەرزەنتى رەتىندە ەل مەرەيىن تاسىتۋعا قارلىعاشتىڭ قاناتىمەن سۋ سەپكەندەي سەپتىگىمدى تيگىزە السام پەرزەنتتىك ءبىر پارىزىمنىڭ وتەلگەنى دەپ تە سانايمىن. بىلە بىلسەك, بۇل قۇجات ءاربىر قازاقستاندىقتى جىگەرلەندىرەتىن, ۇلتجاندى ازاماتتاردىڭ بويىنداعى بولاشاققا دەگەن سەنىمدى كۇشەيتەتىن تاريحي ماڭىزى بار قۇندىلىق ەكەنىن وسكەلەڭ ۇرپاق ءاردايىم ەسىندە ۇستاسا قۇبا-قۇپ.
قازاقستان رەسپۋبليكاسىنىڭ تۇڭعىش پرەزيدەنتى, ەلباسى نۇرسۇلتان نازارباەۆتىڭ سارابدال ساياساتىمەن ەل داۋلەتى ارتىپ, تۇعىرى نىعايعانى امبەگە ايان. تاۋەلسىزدىگىمىزدى تورتكۇل دۇنيەگە پاش ەتىپ, دامۋشى ەلدەرگە ءتان وتپەلى كەزەڭنەن وتكەن ەلىمىزدىڭ ءار جىلى جەتىستىكتەر مەن جەڭىستەرگە تولىپ كەلەدى. الەۋمەتتىك-ەكونوميكالىق سالادا كەزەڭ-كەزەڭىمەن جۇرگىزىلگەن رەفورمالار قازاقستاندىقتاردىڭ ىنتىماعىن ارتتىرىپ, ىرىسىن تاسىتتى ءھام بەرەكەسىن كىرگىزدى. حالقىمىزدى نۇرلى جولعا باستاعان ەلباسىمىزدىڭ «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» اتتى قازاقستان حالقىنا جولداۋى اتى ايتىپ تۇرعانداي-اق وركەنيەتتى ەلدەر قاتارىنان وزىندىك ورنىن بەلگىلەپ, وزگە ەلدەرگە ۇلگى بولا باستاعانى تاعى بار. وسى ەلدىڭ ءتول پەرزەنتى رەتىندە ەل مەرەيىن تاسىتۋعا قارلىعاشتىڭ قاناتىمەن سۋ سەپكەندەي سەپتىگىمدى تيگىزە السام پەرزەنتتىك ءبىر پارىزىمنىڭ وتەلگەنى دەپ تە سانايمىن. بىلە بىلسەك, بۇل قۇجات ءاربىر قازاقستاندىقتى جىگەرلەندىرەتىن, ۇلتجاندى ازاماتتاردىڭ بويىنداعى بولاشاققا دەگەن سەنىمدى كۇشەيتەتىن تاريحي ماڭىزى بار قۇندىلىق ەكەنىن وسكەلەڭ ۇرپاق ءاردايىم ەسىندە ۇستاسا قۇبا-قۇپ.
وسى تۇرعىدا, بۇگىنگى كۇنى ەلىمىزدە مەملەكەتتىك باسقارۋ سالاسىندا كەڭ اۋقىمدى رەفورمالار جۇرگىزىلىپ جاتقانى بارشامىزعا ءمالىم. بۇل رەفورمالاردىڭ باستى ماقساتى – مەملەكەتتىك قىزمەت سالاسىن ۋاقىت تالابىنا ساي جەتىلدىرىپ, ساپاسىن جاقسارتۋ, باسقارۋ جۇيەسىنىڭ تيىمدىلىگىن ارتتىرۋ, بۇگىنگى تاڭدا كورسەتىلىپ وتىرعان مەملەكەتتىك قىزمەت دەڭگەيىن كوتەرۋ, كادر ساياساتىن مەملەكەتتىك ساياساتقا ساي جۇيەلەۋ سىندى كوپتەگەن ماسەلەلەردى شەشۋگە باعىتتالىپ وتىر. جەر ءجانناتى جەتىسۋ جەرىندە بۇل ءوزگەرىستەر حالىق تاراپىنان كەڭ قولداۋعا يە بولىپ وتىر.
ادام بالاسىن بۇل ومىردە شىڭعا جەتەلەيتىن زور كۇش بار ول – بولاشاققا دەگەن سەنىم مەن وتانىنىڭ ءوسىپ-وركەندەۋىنە ءوزىنىڭ ەڭبەگىمەن ۇلەس قوسامىن دەگەن ءۇمىتى. ادام بالاسىنىڭ جان دۇنيەسىنىڭ تەرەڭ قويناۋىندا ورىن الاتىن بۇل قاسيەتتەر ۇلكەن ىستەردىڭ جۇزەگە اسۋىنا تۇرتكى بولادى. كەلەر جىل بارشا قازاق ەلى ءۇشىن قاستەرلى جىل بولىپ وتىر. جىلقى قازاق ءۇشىن ەڭ قاسيەتتى جانۋاردىڭ ءبىرى بولىپ سانالعان. بۇل جىلى تۇلپارداي كوكجيەككە تالپىنىپ, ۇلى ىستەردىڭ ۇيىتقىسى بولىپ, بيىك-بيىك بەلەستەردى باعىندىرامىز دەگەن سەنىم مول.
تاۋەلسىزدىك جىلدارى جەتكەن تابىستارىمىزدىڭ التىن كىلتى ەل اراسىنداعى ىنتىماق پەن بىرلىك ەكەنى ايدان انىق. وسى تاتۋلىقتى ساقتاۋدا جانە حالقىمىزدىڭ ءداۋلەتىن ارتتىرۋدا مەملەكەتتىك قىزمەتكەرلەردىڭ ورنى ەرەكشە دەگىم كەلەدى.
«ا» كورپۋسىنداعى جوعارى لاۋازىمداعى مەملەكەتتىك قىزمەتكەرلەردىڭ الدىنا قويىلعان ءمىندەتتەر كەزەڭ-كەزەڭىمەن ساپالى ىسكە اسىرىلىپ وتىرسا سونىڭ ناتيجەسىندە ەلىمىزدىڭ باسەكەگە قابىلەتتى وزىق ەلدەردىڭ قاتارىنان كورىنەتىندىگىنە كامىل سەنەمىن.
«ب» كورپۋسىنداعى مەملەكەتتىك قىزمەتكەرلەردىڭ مەملەكەتتىك ساياساتتى ىسكە اسىرۋدا ەرەكشە ماڭىزعا يە ەكەندىگىن بىلەمىز. بۇل ساناتتاعى مەملەكەتتىك قىزمەتكەرلەر حالىقپەن تىعىز جۇمىس ىستەيتىندىكتەن قوعامدى تولعاندىرىپ جۇرگەن وزەكتى ماسەلەلەردى شەشۋدە اتقاراتىن ءمىندەتتەرى زور. سوندىقتان كەلەر جىلدان تاعى ءبىر كۇتەرىم مەملەكەتتىك قىزمەتكەرلەردىڭ ءوز مىندەتتەرىن ادال ورىنداپ, تازالىقتىڭ ۇلگىسىن كورسەتە بىلگەنى. ەكشەي بىلسەك, بۇل دا ەلباسىنىڭ سارابدال ساياساتىنا ساي ەلىم, جەرىم دەگەن ءار ازاماتتىڭ كوكەيىندەگى كوپ ويدى ىسكە اسىرۋ بولىپ سانالادى.
2013 جىلدا قوعامدا ساياسي ءمانى وتە جوعارى ناۋقان – اۋىلدىق, كەنتتىك وكرۋگ اكىمدەرىنىڭ سايلاۋى بولدى. سايلانعان اكىمدەر كەلەشەكتە زاڭناما تالاپتارىن قاتاڭ باسشىلىققا الىپ, وزدەرىنىڭ قىزمەتتەرىندە زاڭ بۇزۋشىلىققا, بەيادەپ ءىس-ارەكەتتەرگە جول بەرمەسە ەكەن دەگەن تىلەك باسىم. ءويتكەنى, وبلىستىق تارتىپتىك كەڭەس وتىرىسىندا قارالاتىن ماسەلەلەردىڭ باسىم بولىگى اۋدان, قالا جانە اۋىلدىق وكرۋگ اكىمدەرى تاراپىنان جىبەرىلگەن زاڭ بۇزۋشىلىقتار بولىپ وتىر. بۇل ولقىلىقتاردى بىرلەسكەن شارالار اتقارىپ, مەملەكەتتىك قىزمەتكەرلەردىڭ جاۋاپكەرشىلىگىن ارتتىرۋ ارقىلى كەلەشەكتە جويامىز دەپ سەنىممەن ايتا الامىز. «بۇلاق باسىنان تۇنادى» دەگەن دانالىقتى بەرىك ۇستانىپ الداعى جاڭا جىلدان كۇتەرىم, سەنىم بيىگىنەن كورىنۋ. تۇيىندەي كەلە بارشا قازاقستاندىقتاردى جاڭا جىل جاڭا تابىستارعا جەتەلەسىن, ەل ىرگەسى امان, جۇرتىمىز تىنىش, ەلباسىمىز ايقىنداعان نۇرلى جولدا تايماي ەڭبەك ەتۋ ءۇشىن كۇش, قايرات, جىگەر, سارقىلماس قۋات تىلەيمىن!
مارات ورازالي,
قازاقستان رەسپۋبليكاسى مەملەكەتتىك قىزمەت
ىستەرى اگەنتتىگى الماتى وبلىسى بويىنشا
دەپارتامەنتىنىڭ باسشىسى – تارتىپتىك كەڭەس توراعاسى.
تالدىقورعان.