اقمولا وبلىسىنىڭ جىبەك جولى اۋىلىندا ورتەنگەن تسيستەرنا جالىنى تولىعىمەن ءسوندىرىلدى, دەپ حابارلايدى Egemen.kz نۇر-سۇلتان قالاسىنىڭ توتەنشە جاعدايلار دەپارتامەنتىنىڭ ءباسپاسوز قىزمەتىنە سىلتەمە جاساپ.
ءورتتى سوندىرۋگە نۇر-سۇلتان قالاسى مەن اقمولا وبلىسىنىڭ ءورت سوندىرۋشىلەرى قاتىسقان. وقيعا ورنىندا جەكە قۇرامنان 17 ادام, 3 قوندىرعى جۇمىس ىستەدى, ونىڭ ەكەۋى - نۇر-سۇلتان قالاسىنان جانە 1 - ارشالى كەنتىنەن.
«جولدى پوليتسيا قىزمەتكەرلەرى جاۋىپ تاستاپ, ءورت ساعات 19.21-دە وقشاۋلانىپ, ساعات 19.41-دە تولىق ءسوندىرىلدى. زارداپ شەككەندەر جوق. ءورتتىڭ شىعۋ سەبەبى انىقتالىپ جاتىر», دەلىنگەن حابارلامادا.