نۇر-سۇلتان قالاسىنىڭ باس سانيتار دارىگەرىنىڭ جاڭا قاۋلىسىمەن بىرقاتار سپورتتىق نىساننىڭ جۇمىسىنا شەكتەۋ قويدى, دەپ حابارلايدى Egemen.kz.
«Ashyq جوباسىنا قوسىلعان فيتنەس-ورتالىقتاردىڭ, فيتنەس-كلۋبتاردىڭ, يوگا ورتالىقتارىنىڭ, سپورتتىق-ساۋىقتىرۋ وبەكتىلەرىنىڭ, باسسەيندەر مەن ساۋنالاردىڭ, سپا جانە ماسساج ورتالىقتارىنىڭ جۇمىس ۋاقىتى ورنالاسقان جەرىنە قاراماستان, 5 ادامنان اسپايتىن توپپەن ساباقتار وتكىزۋ ارقىلى جۇمىس كۇندەرى ساعات 10:00-دەن 22:00-گە دەيىن بەلگىلەنسىن. سەنبى جانە جەكسەنبى كۇندەرى اتالعان نىسانداردىڭ جۇمىسىنا تىيىم سالىنسىن», دەپ جازىلعان قاۋلىدا.
سونداي-اق قاۋلى بويىنشا Ashyq جوباسىنا قوسىلماعان باسسەيندەر مەن ساۋنالاردىڭ, سپا جانە ماسساج ورتالىقتارىنىڭ, پيلينگ جانە فيتنەس-ورتالىقتاردىڭ, فيتنەس-كلۋبتاردىڭ, يوگا ورتالىقتارىنىڭ, سپورتتىق-ساۋىقتىرۋ وبەكتىلەرىنىڭ جۇمىسىنا ورنالاسقان جەرىنە قاراماستان, تىيىم سالىندى.
قۇجات 4 شىلدە كۇنگى ساعات 00:00-دەن باستاپ كۇشىنە ەنەدى.