قازاقستان ۆولەيبول تاريحىندا تۇڭعىش رەت قوس كومانادامىز ازيانىڭ كلۋبتىق چەمپيوناتىنا قاتىسادى. ولار – وسكەنمەننىڭ «التايى» مەن تالدىقورعاننىڭ «جەتىسۋى», دەپ جازادى Egemen.kz.
ايەلدەر اراسىنداعى ايتۋلى دودا 2021 جىلدىڭ 24-قىركۇيەگى مەن 1 قازانى ارالىعىندا وتەدى. العاشىندا وعان تەك ەل چەمپيونى «التاي» عانا قاتىسۋعا ءتيىس ەدى. كۇنى كەشە قۇرلىقتىق كۆوتانىڭ «جەتىسۋعا» بەرىلگەنى ءمالىم بولدى. وسىلايشا, ەلىمىزدىڭ قوس كومانداسى كۇزدە تايلاندقا اتتانادى.
ەستەرىڭىزگە سالا كەتەيىك, ازيانىڭ كلۋبتىق چەمپيوناتى 1999 جىلدان بەرى ۇزدىكسىز ۇيىمداستىرىلىپ كەلەدى. سول ارالىقتا قىتايدىڭ – سەگىز, تايلاندتىڭ – التى, جاپونيانىڭ – ءۇش, قازاقستاننىڭ – ەكى جانە وڭتۇستىك كورەيانىڭ ءبىر ۇجىمى التىننان القا تاعىندى.
قازاقستاننىڭ كوماندالارى اراسىندا الماتىنىڭ «راحاتى» (2004, 2007) ەكى رەت توپ جارسا, «جەتىسۋ» (2010, 2013) ەكى رەت كۇمىس مەدالدى موينىنا ءىلدى. سونداي-اق, تالدىقورعاندىقتار ەكى مارتە جانە الماتىلىقتار ءبىر رەت قولا جۇلدەنى يەلەندى.