اتىراۋدا تەرىس اعىمنىڭ جەتەگىندە جۇرگەن 86 وكىلى ءداستۇرلى دىنگە ورالعان, دەپ جازادى Egemen.kz.
وبلىستىق ءدىن ىستەرى باسقارماسىنىڭ باسشىسى قايروللا كوشقاليەۆتىڭ ايتۋىنشا, بيىلعى التى ايدا دەسترۋكتيۆتى ءدىني اعىمنىڭ 350 جاقتاسىمەن 1 200 رەت تەولوگيالىق وڭالتۋ ءىس-شاراسى جۇرگىزىلگەن.
«تەرروريزم جانە ەكسترەميزم بابىمەن سوتتالعان 39 اداممەن 200 رەت جەكە كەزدەسۋ, 8 ءىس-شارا, 2 ينتەلەكتۋالدىق سايىس وتكىزىلدى. سونداي-اق, تەرىس اعىمنىڭ جەتەگىندە جۇرگەن 86 ادام ءداستۇرلى دىنگە ورالدى. ونىڭ ىشىندە 64 تۇرعىن, 8 جازاسىن وتەۋشى, 5 ستۋدەنت بار. ال, قالعانى – ەكسترەميزم بابىمەن جازاسىن وتەپ شىققاندار, ولاردىڭ جۇبايلارى, سونداي-اق پروباتسيالىق باقىلاۋداعى ازاماتتار» دەيدى قايروللا كوشقاليەۆ.