سالا ماماندارىنىڭ ايتۋىنشا, قازاقستاندا تىگىلگەن كيىمدەردىڭ دە, شەتەلدىك تاۋارلاردىڭ دا باعاسى بىرتىندەپ وسەدى, دەپ جازادى Egemen.kz
«حابار 24» ارناسىنىڭ مالىمەتىنشە, ەلىمىزدە ماقتا از, ال الەمدىك نارىقتا ونىڭ باعاسى كۇرت وسكەن. قازاقستاننىڭ جەڭىل ونەركاسىپ كاسىپورىندارى قاۋىمداستىعى كيىمنىڭ قىمباتتاۋىن وسىلاي دەپ ءتۇسىندىردى. نارىقتاعى سۇرانىستى بۇرىنعىداي يمپورتتىق ونىمدەر جاۋىپ وتىر. ال وتاندىق تىگىن كاسىپورىندارى بىلتىر نەگىزىنەن مەملەكەتتىك تاپسىرىستاردى ورىنداۋمەن اينالىسقان.
«جالپى, ءبىزدىڭ ەلدە وسىرىلەتىن ماقتا كولەمى ىشكى نارىقتى قامتي الادى. بىراق ونىڭ بارلىعى دەرلىك ەكسپورتتالاتىندىقتان, وزىمىزگە ماقتا جەتپەيدى», دەيدى قاۋىمداستىق پرەزيدەنتى ليۋبوۆ حۋدوۆا.
ال قازاقستاندىق تىگىن كاسىپورىندارىنا كەم دەگەندە 15-20 مىڭ توننا ماقتا كەرەك. وسى تۇستا, جۇكتەمەسىن ورىنداۋ ءۇشىن ولار شيكىزاتتى سىرتتان ساتىپ الۋعا ءماجبۇر. ال الەمدىك نارىقتا ماقتانىڭ باعاسى ورتا ەسەپپەن 30%-عا ءوستى. ءجۇن مەن پوليەستەردەن جاسالعان ماتالاردىڭ دا قۇنى كوتەرىلگەن. سونىڭ سالدارىنان, يمپورتتىق كيىم قىمباتتادى.