نۇر-سۇلتان اۋەجايىندا 45 جاستاعى شىمكەنتتىك بالاعاتتاپ, ءوزىن دۇرىس ۇستاماعان, دەپ حابارلايدى Egemen.kz قر ءىىم كولىكتەگى پوليتسيا دەپارتامەنتىنىڭ ءباسپاسوز قىزمەتىنە سىلتەمە جاساپ.
«وسى جىلدىڭ 29 ماۋسىمى نۇر-سۇلتان اۋەجايى جەلىلىك پوليتسياسىنىڭ ءبولىمىنىڭ كەزەكشى بولىمشەسىنە «ەير-استانا» اق اۋە كومپانياسىنىڭ وكىلىنەن تىركەۋ تاعىنىنداعى قۇقىق بۇزۋشى تۋرالى حابارلاما كەلىپ تۇسكەن», دەدى كولىكتەگى پوليتسيا دەپارتامەنتى باسشىسىنىڭ ورىنباسارى قاليجان قوبلاندين.
وقيعا ورنىنا پاترۋلدىك پوليتسيا جاساعى كەلدى. تەكسەرۋ بارىسىندا كولىك پوليتسەيلەرى شىمكەنت قالاسىنىڭ 45 جاستاعى تۇرعىنىن انىقتادى, ول ءوزىن دۇرىس ۇستاماعان, قوعامدىق ورىندا بالاعات ءسوز ايتقان.
ەر ادام شىمكەنتكە ۇشپاقشى بولعان. بىراق اۋە تاسىمالداۋشىسىنىڭ وكىلدەرى جولاۋشىنى «نۇر-سۇلتان-شىمكەنت» باعىتى بويىنشا ۇشاتىن اۋە رەيسىنىڭ بورتىنا جىبەرمەدى.
كەزەكشى بولىمگە جەتكىزىلگەن كەزدە قۇقىق بۇزۋشى پوليتسيا قىزمەتكەرلەرىنىڭ زاڭدى تالاپتارىنا باعىنباعان جانە بيلىك وكىلدەرىنە قارسىلىق كورسەتكەن.
مەديتسينالىق كۋالاندىرۋدىڭ قورىتىندىسىنا سايكەس, «ورتا دارەجەدە» ماس بولعاندىعى انىقتالدى.
«وعان قاتىستى پوليتسەيلەر قر اقبتك-ءنىڭ 440-بابى 1-ءبولىمى (اكىمشىلىك ىشىمدىكتەردى ءىشۋ نەمەسە قوعامدىق ورىندارقا ماساڭ كۇيدە كەلۋ) جانە قر اقبتك-ءنىڭ 667-بابى 1-ءبولىمى (قۇقىق قورعاۋ ورگانى قىزمەتكەرىنىڭ زاڭدى وكىمىنە نەمەسە تالابىنا باعىنباۋ) بويىنشا اكىمشىلىك حاتتامالار تولتىردى», دەپ قورىتتى ق. قوبلاندين.
سونداي-اق ول قۇقىق بۇزۋشىعا ماس كۇيىندە قوعامدىق ورىندارعا شىققانى ءۇشىن 5 اەك كولەمىندە ايىپپۇل سالىنعانىن اتاپ ءوتتى. ودان بولەك, ۇساق بۇزاقىلىق (قر اقبتك-ءنىڭ 343-بابى, 1-ءبولىمى بويىنشا) ءۇشىن ءۇشىنشى اكىمشىلىك حاتتاما جاسالىپ, پروتسەسسۋالدىق شەشىم قابىلداۋ ءۇشىن شىمكەنتتىڭ مامانداندىرىلعان اۋدانارالىق اكىمشىلىك سوتىنا جىبەرىلگەن.