وزبەكستاننىڭ تاشكەنت قالاسىنىڭ ساۋدا-ويىن-ساۋىق ورتالىقتارى, بازارلار, سۋپەرماركەتتەر مەن باسقا دا قوعامدىق ورىندارىندا ۆاكتسينا سالۋدىڭ قوسىمشا پۋنكتەرى اشىلدى, دەپ حابارلايدى Egemen.kz.
«كوروناۆيرۋستى جۇقتىرۋ كورسەتكىشىنىڭ وسىمىنە بايلانىستى تاشكەنت قالاسىندا 18 جاستان اسقان تۇرعىنداردىڭ ەرىك بىلدىرگەن بارلىق توپتارىن مەملەكەت قاراجاتى ەسەبىنەن ۆاكتسينالاۋ باستالۋدا», دەدى وزبەكستاننىڭ دەنساۋلىق ساقتاۋ مينيسترلىگىنەن.
ۆەدومستۆونىڭ مالىمەتىنشە, تۇرعىنداردى ۆاكتسينالاۋ ءۇشىن قالانىڭ ساۋدا-ويىن-ساۋىق ورتالىقتارى, ءىرى بازارلار, مەكتەپتەر, ءماحالدارى مەن وزگە نىساندارىندا كوروناۆيرۋسقا قارسى ۆاكتسينا سالۋدىڭ قوسىمشا 44 پۋنكتى اشىلعان.
ەكپە تەگىن سالىنادى. ۆاكتسينا سالىنعان سوڭ, ازاماتتاردىڭ قولىنا پرەپاراتتىڭ اتاۋى, سونداي-اق كەلەسى ەكپەنى الاتىن كۇن بەلگىلەنگەن جادىناما بەرىلەدى.