رەسەيدە كوروناۆيرۋستىڭ «دەلتا پليۋس» شتامىنىڭ العاشقى دەرەگى تىركەلدى. بۇل تۋرالى سمورودينتسەۆ اتىنداعى تۇماۋ عىلىمي-زەرتتەۋ ينستيتۋتى ديرەكتورىنىڭ ورىنباسارى داريا دانيلەنكو ايتتى, دەپ حابارلايدى Egemen.kz.
«تىركەلگەن جالعىز دەرەك جانە سىرتتان كەلگەن بولۋى ىقتيمال», دەپ مالىمدەدى دانيلەنكو.
ونىڭ ايتۋىنشا, بۇل شتامم ءبىرلى-ەكىلى اقش پەن ۇلىبريتانيادا تىركەلگەن.
ماماننىڭ ايتۋىنشا, «دەلتا پليۋس» شتامىنىڭ قاۋپى تۋرالى ايتۋعا ەرتە جانە ونى باسقا شتامدارعا قاراعاندا قاۋىپتىرەك نەمەسە ولىمگە ءجيى اكەلەدى دەپ ايتۋعا بولمايدى.