الەمدەگى ەڭ ءىرى CLAAS جانە HORSCH اۋىل شارۋاشىلىعى تەحنيكاسىن وندىرۋشىلەردىڭ ءبىرى قازاقستاندا ءوز ونىمدەرىن شىعاراتىن بولادى. ينۆەستيتسيالىق جوبانى ىسكە اسىرۋ اياسىندا شەتەلدىك بيزنەسمەندەر قازاقستاننىڭ يندۋستريا جانە ينفراقۇرىلىمدىق دامۋ مينيسترلىگىنىڭ وكىلدەرى «KAZAKH INVEST «ۇك» اق قولداۋىمەن ارنايى ينۆەستيتسيالىق كەلىسىمشارتقا قول قويدى, دەپ حابارلايدى Egemen.kz.
ۋاعدالاستىقتارعا سايكەس, «CT Assembly» جشس بىرلەسكەن كاسىپورنى پەتروپاۆلداعى وندىرىستىك الاڭدا CLAAS جانە HORSCH اۋىل شارۋاشىلىعى تەحنيكاسىن ونەركاسىپتىك قۇراستىرۋدى بەس جىل ىشىندە كەزەڭ-كەزەڭمەن جولعا قويۋ بويىنشا مىندەتتەمەلەردى وزىنە الادى. اتاپ ايتقاندا, TUCANO 580, 450 جانە 430 مودەلدىك قاتارىنداعى CLAAS استىق جيناۋ كومبايندارىن, CERIO دەستەلەگىشتەرى مەن CLAAS XERION 4500 تراكتورلارىن, سونداي-اق HORSCH ەگىس كەشەندەرى.
كەلىسىمشارتتى ىسكە اسىرۋدىڭ ءبىرىنشى جىلىندا وندىرىستىك الاڭ جۇمىسىنىڭ تەتىكتەرىن جوندەۋ جوسپارلانۋدا. وسى كەزەڭدە 100 بىرلىككە دەيىن TUCANO كومبايندارىن شىعارۋ كوزدەلۋدە. بۇدان باسقا, اۋىل شارۋاشىلىعى تەحنيكاسىنىڭ ءاربىر ءتۇرى بويىنشا ءارتۇرلى تەحنولوگيالىق وپەراتسيالاردى كەزەڭ-كەزەڭىمەن ەنگىزۋ جوسپارلانۋدا. ماسەلەن, تراكتورلاردى قۇراستىرۋدى قامتاماسىز ەتۋ ءۇشىن 2022 جىلى اعىمداعى جىلدىڭ قىركۇيەك-قازان ايلارىندا XERION تراكتورلارىن شىعارۋ بويىنشا ىسكە قوسۋ-جوندەۋ جۇمىستارى بەلگىلەنگەن, سونداي-اق گيدراۆليكا قوزعالتقىشتارى مەن جۇيەلەرىنە تەحنيكالىق تەكسەرۋ باستالادى.
كەيىنگى جىلدارى قازاقستان اۋماعىندا ونەركاسىپتىك قۇراستىرۋ بويىنشا ورىندالاتىن جۇمىستاردىڭ كولەمى دە, شىعارىلاتىن اۋىل شارۋاشىلىعى ماشينالارىنىڭ, اتاپ ايتقاندا, TUCANO استىق جيناۋ كومبايندارى مەن XERION تراكتورلارىنىڭ سانى دا وسەتىن بولادى.
بارلىق شىعارىلاتىن تەحنيكا ءونىمنىڭ كەدەن وداعىنىڭ قولدانىستاعى تەحنيكالىق رەگلامەنتتەرىنىڭ تالاپتارىنا سايكەستىگىن راستاۋ ءۇشىن سەرتيفيكاتتاۋدان وتەدى جانە تاۋاردىڭ شىعۋ تەگى سەرتيفيكاتىن الادى, سونداي-اق ءاربىر وزدىگىنەن جۇرەتىن ماشيناعا جەكە پاسپورت بەرىلەدى.