بىلتىر اقپان ايىندا Nur Otan پارتياسى توراعاسىنىڭ ءبىرىنشى ورىنباسارى باۋىرجان بايبەك تۇركىستان وبلىسىنا جۇمىس ساپارى بارىسىندا وتىرار اۋدانى ءشاۋىلدىر اۋىلىنىڭ تۇرعىندارىمەن كەزدەسكەن-ءدى. كەزدەسۋدە 300-دەن استام وتباسى 1970-1980 جىلدارى سالىنعان ۇيلەردە ينجەنەرلىك ينفراقۇرىلىمنىڭ توزۋىنا بايلانىستى ورتالىق جىلۋدىڭ جوقتىعىنا شاعىمدانىپ ەدى.
«ەلباسىنىڭ باستاماسىمەن قولعا الىنعان «اۋىل – ەل بەسىگى» جوباسىنىڭ اياسىندا بۇگىندە ەلىمىزدىڭ شالعاي اۋداندارىنىڭ تۇيتكىلدى ماسەلەلەرىن شەشۋ بويىنشا پارتيا جۇيەلى شارالار ازىرلەۋدە. وبلىس اكىمىنىڭ ايتۋىنشا, جاقىن ارادا بيۋدجەتتى ناقتىلاۋ كەزىندە جىلۋ جۇيەلەرىن سالۋ ءۇشىن 700 ملن تەڭگەدەن استام قارجى بولىنەدى. قازاندىقتىڭ قۇرىلىسىنا قاراجات بولىنگەن. اۋىل تۇرعىندارى كوتەرگەن ماسەلەنى شەشۋ Nur Otan پارتياسىنىڭ باقىلاۋىنا الىندى», دەپ اتاپ وتكەن ەدى سول كەزدە باۋىرجان بايبەك.
پارتيالىق باقىلاۋ قورىتىندىسى بويىنشا بۇگىندە ءشاۋىلدىر اۋىلىندا جىلۋ جۇيەلەرىن قايتا جاڭارتۋ جۇمىستارى مەن قۋاتى 10450 كۆت قازاندىق قۇرىلىسى اياقتالدى. ەندى 25 كوپپاتەرلى تۇرعىن ءۇي, 45 بيۋدجەتتىك جانە 25 كاسىپكەرلىك نىسان ورتالىقتاندىرىلعان جىلۋ جۇيەسىنە قوسىلدى.
سونداي-اق مۇندا جالپى ۇزىندىعى 650 م بولاتىن 2 كوشەگە ورتا جوندەۋ, ۇزىندىعى 870 م بولاتىن 1 كوشەگە اعىمداعى جوندەۋ جۇمىستارى جۇرگىزىلىپ, پايدالانۋعا بەرىلدى.
ەسكە سالا كەتەيىك, بۇعان دەيىن پارتيانىڭ ءباسپاسوز قىزمەتى تۇرعىنداردىڭ Nur Otan-عا وتىنىشىنەن كەيىن شىمكەنتتەگى تۇتاس ءبىر شاعىن اۋداننىڭ ءومىرى قالاي وزگەرگەنى تۋرالى حابارلاعان بولاتىن. ازات شاعىن اۋدانىندا ءتورت جىلدان استام ۋاقىتتان بەرى ەلەكتر, گاز جانە سۋمەن قامتاماسىز ەتۋ ماسەلەلەرى شەشىلمەي كەلگەن ەدى.
«پارتيا ليدەرى نۇرسۇلتان نازارباەۆ ازاماتتاردىڭ ماسەلەلەرىن شەشۋ, پروبلەمالار تۋرالى اشىق ايتۋ جانە ولاردى جەرگىلىكتى جەرلەردە شەشۋگە قول جەتكىزۋ بويىنشا Nur Otan پارتياسىنىڭ جۇمىسىن جانداندىرۋدى تاپسىردى. كوبىنەسە ايماقتاردىڭ تەز وسۋىنە بايلانىستى ولارعا لايىقتى ينفراقۇرىلىم جاسالىپ ۇلگەرمەيدى. دەگەنمەن مەملەكەت باسشىسى قاسىم-جومارت توقاەۆتىڭ ءارتۇرلى اۋداندار تۇرعىندارى اراسىنداعى تەڭسىزدىكتى جويۋ تۋرالى تاپسىرماسى بار», دەگەن باۋىرجان بايبەك تۇرعىندارعا ماسەلەنى پارتيالىق باقىلاۋدا ۇستاۋعا ۋادە بەرگەن بولاتىن.
ناتيجەسىندە, بۇگىندە شاعىن اۋداندا بارلىق ەلەكتر جەلىلەرى جۇرگىزىلدى. ۇزىندىعى 8,7 كم ورتالىق سۋ قۇبىرى جەلىلەرىنىڭ جانە 10 كم گاز قۇبىرىنىڭ قۇرىلىسى اياقتالدى. ىشكى جولدارعا اسفالت توسەۋ جۇمىستارى جۇرگىزىلۋدە.
ماۋسىم ايىنىڭ سوڭىنا دەيىن ابونەنتتەردى ورتالىق سۋ قۇبىرىنا قوسۋدى جانە اۋىز سۋ بەرۋدى قامتاماسىز ەتۋ, 1 تامىزعا دەيىن اۆتوماتتى گاز تاراتۋ ستانساسىنىڭ قۇرىلىسىن اياقتاپ, گاز بەرۋ, ال 1 قىركۇيەككە دەيىن ىشكى جولداردىڭ اسفالت جابىنىنىڭ ەكىنشى قاباتىن سالۋ جوسپارلانۋدا.