ءماجىلىستىڭ بۇرىنعى دەپۋتاتى تاراس حيتۋوۆ قايتىس بولدى

«قازمۇنايگاز» ۇلتتىق كومپانياسى» ومبۋدسمەنى تاراس حيتۋوۆ 57 جاسىندا قايتىس بولدى», دەپ جازدى ول.

تاراس حيتۋوۆ 1964 جىلعى 4 اقپاندا ماڭعىستاۋ وبلىسىنىڭ فورت-شەۆچەنكو قالاسىندا دۇنيەگە كەلگەن. لەنين اتىنداعى قازاق پوليتەحنيكالىق ينستيتۋتىن ينجەنەر - مەحانيك ماماندىعى بويىنشا بىتىرگەن.

ەڭبەك جولىن 1986 جىلى ماڭعىستاۋ وبلىسىنىڭ اقتاۋ قالاسىنداعى پلاستماسسا زاۋىتىنىڭ اپپاراتۋرا جابدىعىن جوندەيتىن سلەسارى بولىپ باستاعان.

1988-1990 جج. - ماڭعىستاۋ وبلىسىنىڭ اقتاۋ قالاسىنداعى پلاستماسسا زاۋىتىنىڭ اۋىسىم شەبەرى, تەحنيكالىق قاداعالاۋ ءبولىمىنىڭ جەتەكشى ينجەنەرى.

1990-1991 جج. - «اقجول» جشس تەحنولوگى, اقتاۋ قالاسى.

1991-1993 جج. - «ماڭعىستاۋ» بيزنەس-ورتالىعىنىڭ مەنەدجەرى, ماڭعىستاۋ قالاسى.

2000-2001جج. - پاۆلودار مۇناي-حيميا زاۋىتىنىڭ تسەح باستىعىنىڭ ورىنباسارى, پاۆلودار قالاسى.

2002-2003 جج. - ماڭعىستاۋ وبلىسىنىڭ اقتاۋ قالاسى اكىمىنىڭ ورىنباسارى.

2003-2004 جج. - ماڭعىستاۋ وبلىسى تۇپقاراعان اۋدانىنىڭ اكىمى.

2004-2008 جج. - ماڭعىستاۋ وبلىسىنىڭ دەنە شىنىقتىرۋ جانە سپورت باسقارماسىنىڭ باستىعى.

2008-2010 جج. - ماڭعىستاۋ وبلىسىنىڭ اقتاۋ قالاسى اكىمىنىڭ ورىنباسارى.

2010-2012 جج. - «قازمۇنايگاز» بارلاۋ ءوندىرۋ» اق-نىڭ الەۋمەتتىك ساياسات جانە پەرسونال جونىندەگى باسقارۋشى ديرەكتورى, استانا قالاسى.

2012-2012 جج. - «وزەنمۇنايگاز» اق-نىڭ جالپى ماسەلەلەر جونىندەگى ورىنباسارى, ماڭعىستاۋ وبلىسىنىڭ جاڭاوزەن قالاسى.

2012-2015 جج. - «قاراجانباسمۇناي» اق-نىڭ كادر جانە اكىمشىلىك ماسەلەلەرى جونىندەگى ۆيتسە-پرەزيدەنتى, اقتاۋ قالاسى.

2015-2016 جج. - «قاراجانباسمۇناي» اق اپپاراتىنىڭ باسشىسى, اقتاۋ قالاسى.

2016 جىلعى 24 ناۋرىزدان باستاپ 2020 جىلدىڭ جەلتوقسانىنا – VI سايلانعان قازاقستان رەسپۋبليكاسى پارلامەنتى ءماجىلىسىنىڭ دەپۋتاتى, ەكونوميكالىق رەفورما جانە وڭىرلىك دامۋ كوميتەتىنىڭ مۇشەسى, «نۇر وتان» پارتياسىنىڭ مۇشەسى.

سوڭعى قىزمەتى - «قازمۇنايگاز» ۇلتتىق كومپانياسى» ومبۋدسمەنى. 

وتباسىلى, ءۇش بالاسى جانە نەمەرەسى بار.