18 ماۋسىمنان app.testcenter.kz سايتىندا ماگيستراتۋراعا تۇسۋگە ارنالعان كەشەندى تەستىلەۋگە (كت) قاتىسۋعا تىركەۋ باستالادى, دەپ حابارلايدى Egemen.kz.
تىركەلۋ بارىسىندا تالاپكەر تەستىلەۋدىڭ ورنىن (قالانى) ءوزى تاڭدايدى.
كەشەندى تەستىلەۋ 2021 جىلدىڭ 20 شىلدەسى مەن 10 تامىز ارالىعىندا وتكىزىلەدى.ماگيستراتۋرادا ءبىلىم الۋ ءۇشىن كەشەندى تەستىلەۋ 3 بلوكتان تۇرادى:• شەت ءتىلى بويىنشا تەست;• وقۋعا دايىندىعىن انىقتاۋعا ارنالعان تەست;• ءبىلىم بەرۋ باعدارلامالارى توبىنىڭ بەيىنى بويىنشا تەست.شەت ءتىلىن مەڭگەرۋدىڭ جالپىەۋروپالىق قۇزىرەتتەرىنە (ستاندارتتارىنا) سايكەس شەت ءتىلىن مەڭگەرگەنىن راستايتىن ءبىر حالىقارالىق سەرتيفيكاتتارى بار تۇلعالار ماگيستراتۋراعا كت-نىڭ شەت ءتىلى بويىنشا تەستىنەن بوساتىلادى.كەشەندى تەستىلەۋگە قاتىسۋ قۇنى - 8292 تەڭگە. كەشەندى تەستىلەۋگە تولەم تىركەلۋ كەزىندە ونلاين جاسالادى.