رەسەيدىڭ ءنوۆوسىبىر قالاسىندا گۋسينوبرودسكي تاسجولىندا جەرگىلىكتى ۋاقىتپەن ساعات 18:04 كەزىندە جانارماي ستانساسىندا ءورت شىقتى, دەپ حابارلايدى Egemen.kz تاسس اگەنتتىگىنە سىلتەمە جاساپ.
«ەۆروگاز» كومپانياسى وكىلىنىڭ ايتۋىنشا, وت كولىككە جانارماي قۇيىپ جاتقاندا تۇتانعان. ءبىر جۇك كولىگى مەن ءبىر جەڭىل كولىك جانىپ كەتكەن.
الدىن الا بولجام بويىنشا, وتتىڭ تۇتانۋىنا گازتاسىمالداۋشى كولىكتى بوساتۋ كەزىندە سىرتقا شىققان گاز سەبەپ بولعان.
جالىن 800 شارشى مەتر اۋماقتى شارپىعان. ءورت قاۋپى جاعىنان ءۇشىنشى (جوعارى) دەڭگەيگە جاتقىزىلعان. وقيعا ورنىندا سۇيىق وتىن قۇيىلعان رەزەرۆۋارلار قايتا-قايتا جارىلىپ, تجم جەكە قۇرامى قاۋىپسىز قاشىقتىقتا جۇمىس ىستەگەن.
تاسس اقپارات كوزىنىڭ مالىمەتىنشە, قازىردىڭ وزىندە كەم دەگەندە بەس جارىلىستىڭ داۋسى ەستىلگەن.
ءتىلسىز جاۋدان تۇرعىن ۇيلەرگە قاۋىپ جوق, دەگەنمەن وت جاپسارلاس ورنالاسقان قويمانى شارپۋى مۇمكىن. 21 ادام زارداپ شەككەن. ونىڭ ون جەتىسى اۋرۋحاناعا جەتكىزىلدى. جەدەل جاردەم ستانساسىنىڭ باس دارىگەرى يرينا بولشاكوۆانىڭ ايتۋىنشا, بەس ادامنىڭ جاعدايى اۋىر.