تۇركىستان وبلىسىندا ايەل جالعان قۇجاتپەن وزگەنىڭ جەرىن ساتىپ جىبەرگەن, دەپ حابارلايدى Egemen.kz.
ورداباسى اپب-عا جەرگىلىكتى تۇرعىن ارىزدانىپ كەلگەن. جابىرلەنۋشىنىڭ ايتۋىنشا, وزىنە تيەسىلى جەرىن بەلگىسىز ايەل نوتاريۋسقا بارىپ, ساتۋعا جالعان سەنىم حات العان. سودان سوڭ قۇجات بويىنشا ول جەردى ءوزىنىڭ جولداسىنا ساتقان. ال كۇيەۋى بولسا وزگە بىرەۋگە ساتىپ جىبەرگەن. وسىلايشا جابىرلەنۋشىگە 400 مىڭ تەڭگە شىعىن كەلتىرگەن.
ءتارتىپ ساقشىلارى اتالعان جايتتى قر قك-ءنىڭ 385-بابى (جالعان قۇجاتتاردى, ءمورتابانداردى, مورلەردi, بلانكىلەردى, مەملەكەتتiك پوشتا تولەمى بەلگىلەرىن, مەملەكەتتiك ناگرادالاردى قولدان جاساۋ, دايىنداۋ نەمەسە وتكiزۋ) بويىنشا سدتتبت-عا تىركەدى. ورداباسى اپب-نىڭ پوليتسەيلەرى جەدەل-ىزدەستىرۋ جۇمىستارىن جۇرگىزىپ, كۇدىكتى دەپ تانىلعان جەرگىلىكتى تۇرعىندى ۇستاپ, پب-عا جەتكىزدى.
جالعان جاسالعان ءىس-قۇجاتتارعا ساراپتاما تاعايىندالدى. قازىرگى تاڭدا اتالعان جايتقا بايلانىستى تەرگەۋ امالدارى جۇرگىزىلۋدە.