2021 جىلعى 13 ماۋسىمىندا ساعات 15:19-دا ەڭبەكشى اۋدانى, مومىنوۆ كوشەسى بويىندا ورنالاسقان «جان ويل» اۆتو جانار-ماي بەكەتىنىڭ جانىنداعى گاز قۇيۋ بەكەتىندە ءورت شىققانى تۋرالى حابار كەلىپ ءتۇستى, دەپ حابارلايدى Egemen.kz. بۇل تۋرالى otyrar.kz سايتى مالىمەت تاراتتى.
ءبىرىنشى جەتكەن ءورت ءسوندىرۋ بولىمدەرى كولەمى 4 توننالىق گاز تسيستەرناسىندا گاز جانىپ جاتقاندىعىن انىقتادى. ءورت ساعات 16:08-دە وقشاۋلانىپ, ساعات 16:10-دا تولىعىمەن ءسوندىرىلدى. ءورتتىڭ شىعۋ سەبەبى انىقتالۋدا.
وقيعا ورنىندا گاز قۇيۋ بەكەتىندە وپەراتور جۇمىسىن اتقارىپ جۇرگەن 1992 جىلى تۋعان ەر ازامات زارداپ شەگىپ, 18% بەتى جانە ەكى قولىنىڭ بىلەگىن 1-ءشى دارەجەلى كۇيىك شالعان. زارداپ شەككەن جۇمىسشىعا العاشقى مەديتسينالىق كومەك كورسەتىلىپ, ۇيىنە قايتارىلدى.
جالىندى اۋىزدىقتاۋعا ءورت ءسوندىرۋ قىزمەتىنىڭ جەكە قۇرامىندا 21 ادام, 7 تەحنيكا, اپاتتار مەديتسيناسى ورتالىعى فيليالىنىڭ 1 بريگاداسى جۇمىلدىرىلدى.