تۇركيا پرەزيدەنتى رەجەپ تايىپ ەردوعان 14 ماۋسىمدا وتەتىن ناتو سامميتىنە قاتىسۋ ءۇشىن جەكسەنبىدە بريۋسسەلگە جەتتى, دەپ حابارلايدى Egemen.kz.
بريۋسسەلدەگى «مەلسبرۋك» اۋەجايىندا رەجەپ تايىپ ەردوعاندى تۇركيانىڭ ناتو جانىنداعى تۇراقتى وكىلى باسات وزتۇرىك, تۇركيانىڭ ەۋروپالىق وداقتاعى تۇراقتى وكىلى مەحمەت كەمال بوزاي, تۇركيانىڭ بريۋسسەلدەگى ەلشىسى حاسان ۋلۋسوي جانە ناتو-داعى تۇرىك اسكەري ءبولىمىنىڭ باستىعى يسمايل ۋنەر, تۇركيانىڭ بريۋسسەلدەگى باس كونسۋلى ۋمۋت دەنيز جانە باسقا دا رەسمي تۇلعالار كۇتىپ الدى.
ساپارلاستار اراسىندا تۇركيا باسشىسىمەن ونىڭ ايەلى ەمينە ەردوعان, سىرتقى ىستەر ءمينيسترى مەۆلۇت چاۆۋشوگلۋ, ۇلتتىق قورعانىس ءمينيسترى حۋلۋسي اكار, پرەزيدەنت اكىمشىلىگىنىڭ بايلانىس كەڭسەسىنىڭ باسشىسى فاحرەتتين التۋن, پرەزيدەنتتىڭ ءباسپاسوز حاتشىسى يبراگيم كالىن, ادىلەت جانە دامۋ پارتياسىنىڭ ءباسپاسوز حاتشىسى ومەر چەليك, اتالمىش پارتيانىڭ ريزەدەگى دەپۋتاتى جانە ناتو پا-داعى تۇرىك دەلەگاتسياسىنىڭ جەتەكشىسى وسمان اشكين باك بولدى.
ايتا كەتەيىك, ناتو ءسامميتى بۇگىن بەلگيا استاناسى بريۋسسەلدە وتەدى.