وتاندىق ورىندىق

وبلىستىق كاسىپكەرلەر پالاتاسىنىڭ مالىمەتىنشە, بيىل جوبانىڭ ءبىرىنشى لەگىن 700-دەن استام ادام تامامداعان, قازىر ەكىنشى لەكتە 960 قاتىسۋشى بيز­نەستىڭ قىر-سىرىن مەڭگەرۋدى جالعاس­تىرۋدا. كارانتين شارالارىنا باي­لانىس­تى وتكەن جىلداعىداي وقىتۋ Atameken Academy ونلاين-پلاتفورماسى ارقىلى قاشىقتان جۇرگىزىلگەن.

– «باستاۋ بيزنەس» جوباسىنىڭ ءبىرىنشى اعىمىندا 731 قاتىسۋشى ءبىلىم العان. ونىڭ ىشىندە 195 قاتىسۋشى جاس­تار وكىلدەرى بولسا, 425 ادام 30-49 جاس ارالىعىنداعى ادامدار, 76 قاتىسۋشى 50-57 جاس ارالىعىندا, ال 57 جاستان جوعارى 35 قاتىسۋشى بولدى. ءبىلىم ال­عانداردىڭ ىشىندە تەك 33 ادامنىڭ عانا كاسىپكەرلىك بويىنشا ازداعان تاجىريبەسى بار ەكەن, ال قاتىسۋشىلاردىڭ كوپشىلىگى جۇمىسسىزدار جانە ءوزىن ءوزى جۇمىسپەن قامتىعاندار بولىپ وتىر. قازىر جوبانىڭ ەكىنشى لەگى باستالدى. وبلىس بويىنشا 960 ادام وقۋعا كىرىستى. جالپى 5 لەك بويىنشا وقىتۋ ۇيىمداستىرىلىپ, وسى جىلدىڭ قىركۇيەگىنە دەيىن جالعاسادى. جىل باسىنان بەرى «باستاۋ بيزنەس» جوباسىمەن وقىعان 600 تۇلەكتىڭ جوباسى قارجىلاندىرىلدى, ونىڭ ىشىندەگى 45 ادام بيىلعى ءبىلىم العاندار بولىپ وتىر, – دەيدى الماتى وبلىسى كاسىپكەرلەر پالاتاسىنىڭ ءبولىم باسشىسى ءسانيا ناۋرىزباەۆا.

ايتپاقشى, وسى «ەڭبەك» باعدار­لاماسىنا قاتىسقان جاس كاسىپكەر ءوز اۋىلىن­دا كاسىپ باستاپ وتىر. مەملەكەتتىك قولداۋدىڭ ارقاسىندا اشىلعان جيھاز تسەحى اي سايىن 3 مىڭعا دەيىن ورىندىق شىعارادى ەكەن. ىلە اۋدانىنىڭ تۇرعىنى تىلەك ءادىلحاتتىڭ «باستاۋ بيزنەس» كا­سىپكەرلىك نەگىزدەرى جوباسىنىڭ ار­قاسىندا كاسىپكەر اتانعانىنا كوپ ۋا­قىت بولا قويعان جوق. ياعني كاسىبىن جوس­پارلاپ, ناقتى نەگىزگە سۇيەنە وتىرىپ دامىتۋعا قول جەتكىزگەن. ول بۇعان دەيىن جاساعان جيھازىن بازاردا ساتىپ ءجۇرىپتى, ەندى ۇلكەن نارىققا شىعۋدىڭ كوزىن ۇيرەندى.

– 2018 جىلى وبلىستىق كاسىپكەرلەر پالاتاسى ارقىلى «باستاۋ بيزنەس» جوباسى بويىنشا وقۋعا جازىلدىم. كۋرس اياقتالعان سوڭ «جاس كاسىپكەر» باع­دار­لاماسى بويىنشا 505 مىڭ تەڭ­گە كولەمىندە گرانت الدىم. ال وتكەن جىلى جيھاز وندىرەتىن تسەحتى دا­مىتۋ ءۇشىن اۋىل شارۋاشىلىعىن قارجىلاي قولداۋ قورى ارقىلى 6 ملن تەڭگە كو­لەمىندە نەسيەگە قول جەتكىزدىم. بيز­نەستى باستاعان كەزدە ءۇش اپتا بويى قىز­مەتكەرلەردى وقىتىپ, تەگىن شەبەرلىك ساباقتارىن وتكىزدىم. قازىر ءوز كوماندام­دى جاساقتادىم. ءبىز كۇن سايىن ۇيگە ارنالعان 100 ورىندىق جاسايمىز. وتان­دىق ءونىمنىڭ باستى ارتىقشىلىعى – ساپاسى مەن باعاسىندا. شەتەلدىڭ ورىندىقتارىنا قاراعاندا قۇنى تومەن. وسىنىڭ ارقاسىندا كوتەرمە تاپسىرىس بەرۋشىلەرىمىز بار, – دەيدى كاسىپكەر.

تىلەك ءادىلحاتتىڭ جيھاز تسەحى ىلە اۋدانىنىڭ جەتىگەن اۋىلىندا ورنا­لاسقان. ونىمدەر اۋدان ىشىندە جانە الماتى قالاسىنىڭ بازارلارىندا ساتىلادى. بۇگىندە كاسىپكەر جيھاز ءتۇرىن ۇلعايتىپ, جاڭا ستانوكتار ساتىپ الۋ ارقىلى تسەحتى كەڭەيتۋدى جوسپارلاپ وتىر.

سونداي-اق «جاس كاسىپكەر» باعدار­لاماسى بويىنشا ءوز ءىسىن باستاعاندار قاتارى ەڭبەكشىقازاق اۋدانىندا دا ار­تىپ كەلەدى. سونىڭ ءبىرى – ەسىك قالا­سىنىڭ تۇرعىنى اسەم تىنايبەكوۆا. اسەمنىڭ اناسى 30 جىل بويى تىگىنشى بولعان ەكەن, ىسمەرلىكتى مۇرا رەتىندە جالعاستىرۋدى ويلاعان تاۋەكەلشىل جاس مۇنى كاسىپكەرلىكپەن ۇشتاستىرۋدى ويلاپتى. ءسويتىپ, كاسىپكەرلەر پالاتاسى ارقىلى «باستاۋ بيزنەس» جوباسى بويىنشا وقۋعا جازىلدى. قازىر اسەمنىڭ ءوزى سياقتى قولى شەبەر بەس تىگىنشىدەن قۇرالعان توبى بار, كاسىبىن دوڭگەلەتىپ اكەتتى. وسى ەڭبەكشىقازاق اۋدا­نى بويىنشا بىلتىر كاسىبىن جاڭادان باستاعان ازاماتتار ۇسىنعان 113 جوبا قارجىلاندىرىلعان. وعان «ەڭبەك» باعدارلاماسى اياسىندا 467 281 286 تەڭگە ءبولىنىپتى.

– بەس ادامدى جۇمىسپەن قامتىپ وتىرمىن. ءبىز ءتۇرلى فيرمالار مەن كومپانيا جۇمىسشىلارىنا ارنايى كيىم تىگۋمەن اينالىسامىز. بولاشاقتا تىگىن تسەحىن كەڭەيتۋ ماسەلەسى دە جوس­پارىمىزدا بار. مەملەكەتتىڭ مەن سەكىلدى كاسىپكەرلىككە ۇمتىلعان جاس­تاردى قولداعانىنا ريزامىن. ەرىنبەي ەڭبەك ەتسەڭ, كاسىبىڭ ناسىبىڭە اينالادى, – دەيدى تىگىن تسەحىنىڭ يەسى اسەم تىنايبەكوۆا.

جالپى, بىلتىر وبلىستا «باستاۋ بيزنەس» جوباسى اياسىندا 3022 قاتىسۋشى كاسىپكەرلىك نەگىزدەرىن ۇيرەنىپ, وقىعان ەكەن. ال ولار ۇسىنعان 2 مىڭنان استام جوبا قابىلدانىپ, جالپى سوماسى 1,8 ملرد تەڭگەگە قارجىلاندىرىلعان. مۇ­نىڭ تاعى ءبىر ەرەكشەلىگى, كاسىپ باس­تاۋ مەن تابىستى ءتيىمدى ۇيلەستىرۋدى از ۋا­قىت ىشىندە مەڭگەرىپ شىعۋعا بولادى. مىسالى, «باستاۋ بيزنەس» باعى­تىن­داعى وقىتۋ 21 كۇن ىشىندە ءوتىپ, ونىڭ قورىتىندىسى بويىنشا وقۋدى اياق­تاعانى نەمەسە قاتىسقانى تۋرالى سەرتيفيكات بەرىلەدى. وسى سەرتيفيكاتپەن جوبا تۇلەگى 200 اەك كولەمىندە وتەۋسىز گرانت نەمەسە 6 پايىزدىق جەڭىلدىكپەن نەسيە الۋعا ۇمىتكەر بولا الادى ەكەن.