وتكەن جىلى قازاقستاندا 27 ملن ءموبيلدى ابونەنت تىركەلگەن. بۇل 2024 جىلمەن سالىستىرعاندا 3%-عا كوپ, دەپ حابارلايدى Egemen.kz.
ساراپشىلار مۇنى eSIM تەحنولوگياسىنا جاپپاي كوشۋمەن بايلانىستىرادى. eSIM سمارتفوننىڭ باپتاۋلارىندا قوسىمشا ءنومىردى وزدىگىنەن ىسكە قوسۋعا مۇمكىندىك بەرەدى. بۇدان بولەك, زەرتتەۋ مالىمەتتەرى بويىنشا, ەلدەگى بارلىق قوسىلىمداردىڭ 96%-ى جوعارى جىلدامدىقتى – 3G, 4G نەمەسە 5G جەلىلەرى ارقىلى ينتەرنەتكە قول جەتكىزۋدى قامتاماسىز ەتەدى.
جاڭا جىلدان باستاپ SIM-كارتانى ىسكە قوسۋ ءتارتىبى وزگەردى
Kepios كونسالتينگتىك اگەنتتىگىنىڭ مالىمەتىنشە, وتكەن جىلى ەلىمىزدە ينتەرنەتتى بەلسەندى پايدالانۋشىلار سانى 20 ملن ادامدى قۇرادى. 2024 جىلمەن سالىستىرعاندا اۋديتوريا 232 مىڭعا وسكەن. ەل حالقىنىڭ 93%-ى تۇراقتى ينتەرنەتپەن قامتىلعان. ءموبيلدى ينتەرنەتتىڭ ورتاشا جىلدامدىعى 40 مبيت/س-قا دەيىن ارتتى, بۇل 40% وسىمگە تەڭ. دەگەنمەن, شامامەن 1,5 ملن ادام ءالى دە جەلىگە قوسىلا الماي وتىر, كوبىنەسە بۇل بالالار, قارتتار جانە شالعاي اۋىلداردىڭ تۇرعىندارى.
الاياقتارعا SIM-كارتا ۇسىنعاندار ۇستالدى
سونداي-اق حالىقتىڭ 80%-ى الەۋمەتتىك جەلىلەردى پايدالانعان. قولدانۋشىلاردىڭ جارتىسىنان كوبى – ەر ادامدار. ەڭ تانىمال پلاتفورما – TikTok (شامامەن 17 ميلليون قولدانۋشى). ودان كەيىن Instagram (13 ميلليون) جانە Facebook (2,5 ميلليون) تۇر. ال Snapchat (795 مىڭ) پەن X (280 مىڭ) پلاتفورمالارى ەڭ از قىزىعۋشىلىققا يە بولعان.