«قازگيدرومەت» رمك 12-14 ماۋسىم كۇندەرگى اۋا رايى بولجامىن ۇسىندى, دەپ حابارلايدى Egemen.kz.
«جىلى جانە قۇرعاق اۋا ماسسالارى قازاقستاننىڭ وڭتۇستىك وڭىرلەرىندە جاۋىن-شاشىنسىز ىستىق اۋا رايىنىڭ قالىپتاسۋىنا ىقپال ەتتى. الايدا, سكانديناۆيا وڭىرلەرىنەن كەلەتىن سۋىق انتيتسيكلوننىڭ اسەرىنەن, ەلدىڭ سولتۇستىك جارتىسىندا عانا ەمەس, وڭتۇستىك وبلىستاردا دا اۋا تەمپەراتۋراسى تومەندەيدى. ەگەر وڭتۇستىكتە اۋا تەمپەراتۋراسى ازداپ تومەندەسە, وڭتۇستىك-شىعىستا تەرمومەتر باعاندارى تۇندە 5...13°س-قا دەيىن, كۇندىز 20...28°س-قا دەيىن تومەندەيدى.
اتموسفەرالىق فرونتتاردىڭ وتۋىمەن بايلانىستى جەكەلەگەن وڭىرلەردە نايزاعاي ويناپ, جاڭبىر جاۋادى.
12-13 ماۋسىمدا وڭتۇستىكتىڭ, وڭتۇستىك-شىعىس پەن شىعىستىڭ تاۋلى اۋداندارىندا نوسەر جاڭبىر جاۋادى, جەكەلەگەن اۋدانداردا داۋىل تۇرىپ, بۇرشاق جاۋى مۇمكىن», دەدى قازگيدرومەتتەن.