رەسەيدە اسكەري-تەڭىز مانەۆرلەرى باستالدى, دەپ حابارلايدى Egemen.kz رەسەي قورعانىس مينيسترلىگىنە سىلتەمە جاساپ.
«تىنىق مۇحيتى فلوتىنىڭ كۇشتەرىن اسكەري باسقارۋ جانە باسقارۋ ورگاندارىن 2021 جىلعا ارنالعان دايارلاۋ جوسپارىنا سايكەس, تىنىق مۇحيتىنىڭ ورتالىق ايماعىندا فلوت كۇشتەرىنىڭ جاتتىعۋلارى باستالدى», دەپ حابارلادى رەسەيلىك ۆەدومستۆا.
جاتتىعۋ جيىنىن تىنىق مۇحيتى فلوتىنىڭ كومانديرى, ادميرال سەرگەي اۆاكيانتس باسقارادى.
قاتىسۋشىلار ءارتۇرلى تاپسىرمالاردى, سونىڭ ىشىندە مۇحيتتىق كوممۋنيكاتسيالاردى قورعاۋ جانە ساقتاندىرۋ كەزىندە بازالىق پۋنكتتەردەن الىس توپتارعا باسشىلىق جاساۋدى, سونداي-اق كەمەلەر مەن اۋە كەمەلەرىنىڭ ءوزارا ارەكەتتەسۋىن پىسىقتايتىن بولادى.
تاكتيكالىق توپتار قازىردىڭ وزىندە ءتورت مىڭ شاقىرىمعا جۋىق جولدى ءجۇزىپ ءوتىپ, بەلگىلەنگەن جەرگە ءوز كۇشتەرىن شوعىرلاندىردى. مانەۆرلەرگە 20-عا جۋىق جەر ءۇستى اسكەري كەمەلەرى, سۇڭگۋىر قايىقتار مەن تىرەك كەمەلەرى قاتىسادى.