قاراعاندى وبلىسىنىڭ پوليتسيا دەپارتامەنتى «گورنياك» بازارىندا ەر ادامنىڭ ءولىمى بويىنشا تاعايىندالعان سوت-مەديتسينالىق ساراپتاما قورىتىندىسىن جاريالادى. وعان سايكەس, ءولىم ەلەكتر توگىنىڭ سوعۋى سالدارىنان بولعان, دەپ حابارلايدى Egemen.kz.
«9 ماۋسىمدا ورىن العان جازاتايىم وقيعا فاكتىسى بويىنشا قر قك 306-بابى «قاۋىپسىزدىك تالاپتارىنا ساي كەلمەيتىن تاۋارلاردى شىعارۋ نەمەسە ساتۋ, جۇمىستاردى ورىنداۋ نە قىزمەتتەردى كورسەتۋ» بويىنشا قىلمىستىق ءىس قوزعالدى. سوت-مەديتسينالىق ساراپتاما جابىرلەنۋشىنىڭ ءولىمى ەلەكتر توگىنىڭ سوعۋى سالدارىنان بولعانىن انىقتادى», دەپ حابارلادى قاراعاندى وبلىسى پد ءباسپاسوز قىزمەتىنەن.
سونداي-اق قالا اكىمدىگى جۋرناليستەردىڭ «وسى ۋچاسكەدە قانداي دا ءبىر جوندەۋ جۇمىستارى جۇرگىزىلدى مە؟» دەگەن سۇراعىنا دا جاۋاپ بەردى.
«بۇگىنگى تاڭدا الەۋمەتتىك پاۆيلون اۋماعىندا (گورنياك ايالداماسى) اۆتوموبيل جولىنىڭ وڭ جاعىندا مەردىگەر ۇيىم ەشقانداي جۇمىس جۇرگىزبەدى. سونداي-اق پاۆيلون مەن جول توسەۋ جوباسى اراسىندا ەلەكتر كابەلدەرى تابىلمادى», دەپ حابارلادى قاراعاندى قالاسى اكىمدىگىنىڭ ءباسپاسوز قىزمەتىنەن.
ايتا كەتەيىك, جەرگىلىكتى ساۋداگەرلەردىڭ (كۋاگەرلەر) سوزىنشە, ەر ادامدى توك سوققاننان سوڭ جەرگە كومىپ تاستاعان. كەيىننەن اشىق جاتقان سىمداردىڭ ۇستىنە ساۋداگەرلەر اعاش تاسىپ, جاماپ قويعان.