سەنات قازاقستان مەن رەسەي ۇكىمەتى اراسىنداعى بايقوڭىردى جالعا الۋ شارتىنا تۇزەتۋلەردى قابىلدادى. ول رەسەي تاراپىنا عارىش ايلاعىن جالعا الۋدى 2050 جىلعا دەيىن ۇزارتۋعا مۇمكىندىك بەرەدى, دەپ حابارلايدى Egemen.kz.
«بايقوڭىر» كەشەنىن جالعا بەرۋ شارتىنىڭ 4-بابىنا تۇزەتۋلەر ەنگىزۋ بولىگىندە حاتتامانى راتيفيكاتسيالاۋ تۋرالى زاڭ جوباسى «بايقوڭىر» كەشەنىن جالعا الۋ مەن پايدالانۋدى 2050 جىلعا دەيىن ۇزارتۋعا مۇمكىندىك بەرەدى», دەلىنگەن سەناتتىڭ حالىقارالىق قاتىناستار, قورعانىس جانە قاۋىپسىزدىك كوميتەتىنىڭ قورىتىندىسىندا.
حاتتامانى راتيفيكاتسيالاۋ ناتيجەسىندە «بايقوڭىر» كەشەنىنىڭ عىلىمي-تەحنيكالىق, وندىرىستىك, الەۋمەتتىك-مادەني الەۋەتىن ساقتاۋعا, ءتيىمدى پايدالانۋعا جانە دامىتۋعا مۇمكىندىك بەرەتىن بۇرىن قابىلدانعان مىندەتتەمەلەردى ۇيلەستىرۋ كۇتىلەدى دەپ كورسەتىلگەن. سونىمەن قاتار ايماقتاعى الەۋمەتتىك-ەكونوميكالىق تۇراقتىلىقتى قامتاماسىز ەتۋ كوزدەلگەن.