ەلوردادا ەسىل وزەنىنىڭ بويىنداعى ساياباقتا بالالارعا ارنالعان ەرەكشە الاڭ اشىلادى, دەپ حابارلايدى Egemen.kz قالا اكىمدىگىنە سىلتەمە جاساپ.
ويىن الاڭى «قالالىق رومانس» تۇرعىن ءۇي كەشەنى جانىندا ورنالاسادى. ونىڭ بىرەگەيلىگى – ويىندارعا ارنالعان ءتۇرلى ستسەناري بولادى.
سونداي-اق, الاڭدا قۇمسالعىش, سىرعاناق, باقىلاۋ ورنى جانە وزگە دە ءتۇرلى ويىن ەلەمەنتتەرى ورناتىلادى. بالالار الاڭىنىڭ جالپى اۋدانى – ەكى مىڭ شارشى مەتردەن استام. قالالىق ۋربانيستيكا ورتالىعىنىڭ باسشىسى ەلنار بازىكەننىڭ ايتۋىنشا بالالار ويىن ايماعى بيىل جازدا اشىلادى. ول ءتۇرلى جاستاعى بالالاردىڭ بارىنە ارنالعان.
ال بوس ۋاقىتىن تازا اۋادا وتكىزگىسى كەلەتىندەر ءۇشىن الاڭنىڭ اينالاسىندا اتكەنشەك مەن ورىندىق قويۋ جوسپارلانىپ وتىر.